ಬೆಂಗಳೂರು: ಬಿಗ್ ಬಾಸ್ ಕನ್ನಡ ಸೀಸನ್ 11 ರಲ್ಲಿ ಇಷ್ಟು ದಿನ ಸೈಲೆಂಟ್ ಆಗಿದ್ದ ನಟಿ ಮೋಕ್ಷಿತಾ ಇದೀಗ ಇದ್ದಕ್ಕಿದ್ದಂತೆ ಇನ್ಮುಂದೆ ಬೇರೇನೇ ಲೆಕ್ಕ ಎಂದು ಫುಲ್ ವಯಲೆಂಟ್ ಆಗಿದ್ದಾರೆ. ಅವರ ಈ ಬದಲಾವಣೆಗೆ ಕಾರಣವೇನು ಗೊತ್ತಾ?
ಮೋಕ್ಷಿತಾ ಸೈಲೆಂಟ್ ಆಗಿರುತ್ತಾರೆ ಎಂದು ಎಲ್ಲಾ ವೀಕ್ಷಕರೂ ಕಂಪ್ಲೇಂಟ್ ಮಾಡುತ್ತಿದ್ದರು. ಕಿಚ್ಚ ಸುದೀಪ್ ಕೂಡಾ ಈ ಮೊದಲು ಇದೇ ಸಂದೇಶವನ್ನು ಹೇಳಿದ್ದರು. ಮೋಕ್ಷಿತಾ ಸೇರಿದಂತೆ ಕೆಲವೊಂದು ಸ್ಪರ್ಧಿಗಳು ಎಲ್ಲೂ ಕಾಣಿಸಿಕೊಳ್ಳುತ್ತಿಲ್ಲ ಎಂದಿದ್ದರು. ಸಹ ಸ್ಪರ್ಧಿಗಳೂ ಮೋಕ್ಷಿತಾರನ್ನು ಇದೇ ಕಾರಣಕ್ಕೆ ನಾಮಿನೇಟ್ ಮಾಡುತ್ತಿದ್ದರು.
ಆದರೆ ಇಂದಿನಿಂದ ಮೋಕ್ಷಿತಾ ಸಂಪೂರ್ಣ ಬದಲಾಗಿದ್ದಾರೆ. ಅದಕ್ಕೆ ಕಾರಣ ತ್ರಿವಿಕ್ರಮ್ ಆಡಿದ ಮಾತು. ಮೋಕ್ಷಿತಾ ಬಗ್ಗೆ ಮಂಜು ಜೊತೆ ತ್ರಿವಿಕ್ರಮ್ 10 ವಾರ ಇರುವುದಕ್ಕೆ ಬಂದಿರುವುದು ಎಂದು ಹಗುರವಾಗಿ ಮಾತನಾಡಿದ್ದಾರೆ. ಇದನ್ನು ಮಂಜು ಎಲ್ಲರ ಎದುರು ಹೇಳಿದ್ದಾರೆ. ಇದು ಮೋಕ್ಷಿತಾ ಕಿವಿಗೂ ಬಂದಿದ್ದು, ಈವತ್ತಿನಿಂದ ಆಟ ಶುರು ಎಂದು ಸವಾಲು ಹಾಕಿದ್ದಾರೆ.
ನಾನು ಹತ್ತೇ ವಾರಕ್ಕೆ ಇರಲು ಬಂದವಳು ಎಂದು ಡಿಸೈಡ್ ಮಾಡಲು ನೀವು ಯಾರು? ಈವತ್ತಿಂದ ಕೌಂಟು ಶುರು. ಯಾರು ಯಾರು ಈ ಮನೆಯಲ್ಲಿ 10 ವಾರ ಇರಕ್ಕೆ ಬಂದಿರುವುದು ಎಂದು ನಾನೂ ನೋಡ್ತೀನಿ. ನೀವೊಬ್ಬ ಗೋಮುಖ ವ್ಯಾಘ್ರ ಎಂದು ಮೋಕ್ಷಿತಾ ಸವಾಲು ಹಾಕಿದ್ದಾರೆ. ಹೀಗಾಗಿ ಇಂದಿನಿಂದ ಮೋಕ್ಷಿತಾ ಆಟದಲ್ಲಿ ಬದಲಾವಣೆ ಕಾಣುತ್ತಾ ನೋಡಬೇಕಿದೆ.
