ಬೆಂಗಳೂರು: ಜೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ದಾದಾಸಾಹೇಬ್ ಅಂಬೇಡ್ಕರ್ ಜೀವನ ಕುರಿತಾದ ಮಹಾನಾಯಕ ಧಾರವಾಹಿಗೆ ಸಿಎಂ ಬಸವರಾಜ ಬೊಮ್ಮಾಯಿ ಬೆಂಬಲ ಸಿಕ್ಕಿದೆ.
ಇದೀಗ ಧಾರವಾಹಿಯಲ್ಲಿ ಅಂಬೇಡ್ಕರ್ ಬಾಲ್ಯದ ಕತೆ ಮುಗಿದಿದ್ದು, ಹೊಸದೊಂದು ಅಧ್ಯಾಯ ಶುರುವಾಗುತ್ತಿದೆ. ಇದಕ್ಕೆ ಮೊದಲು ಜೀ ಕನ್ನಡ ವಾಹಿನಿ ಕಾರ್ಯಕ್ರಮವೊಂದನ್ನು ಆಯೋಜಿಸಿದ್ದು, ಈ ಕಾರ್ಯಕ್ರಮಕ್ಕೆ ಸಿಎಂ ಬೊಮ್ಮಾಯಿ ಅತಿಥಿಯಾಗಿ ಆಗಮಿಸಿದ್ದಾರೆ.
ಅಲ್ಲದೆ, ಮಹಾನಾಯಕನ ಜೀವನಗಾಥೆಯ ಧಾರವಾಹಿಗೆ ತಮ್ಮ ಬೆಂಬಲ ಸೂಚಿಸಿದ್ದಾರೆ. ಈ ಸಂದರ್ಭದಲ್ಲಿ ಅವರು ಹೊಸ ಪ್ರೋಮೋ ಬಿಡುಗಡೆ ಮಾಡಿ ಧಾರವಾಹಿಗೆ ಶುಭ ಹಾರೈಸಿದ್ದಾರೆ.
