ಹೊಸ ದಾಖಲೆ ಮಾಡಿದ ಜೊತೆ ಜೊತೆಯಲಿ ಧಾರವಾಹಿಯ ಟೈಟಲ್ ಹಾಡು

ಬೆಂಗಳೂರು: ಸಾಮಾನ್ಯವಾಗಿ ಸಿನಿಮಾ ಹಾಡುಗಳಷ್ಟು ಧಾರವಾಹಿ ಹಾಡುಗಳು ಯೂ ಟ್ಯೂಬ್ ನಲ್ಲಿ ವೀಕ್ಷಣೆ ಪಡೆಯಲ್ಲ. ಆದರೆ ಜೀ ಕನ್ನಡದಲ್ಲಿ ಪ್ರಸಾರವಾಗುವ ಜೊತೆ ಜೊತೆಯಲಿ ಧಾರವಾಹಿ ಹೊಸ ದಾಖಲೆ ಮಾಡಿದೆ.

ಆರಂಭದ ವಾರದಿಂದಲೇ ಸೆನ್ಸೇಷನಲ್ ಟಿಆರ್ ಪಿ ಪಡೆದು ದಾಖಲೆ ಮಾಡಿದ್ದ ಜೊತೆ ಜೊತೆಯಲಿ ಧಾರವಾಹಿಯ ಟೈಟಲ್ ಹಾಡು ಈಗ ಹೊಸ ದಾಖಲೆ ಮಾಡಿದೆ.

ಅನಿರುದ್ಧ್ ಜತ್ಕಾರ್-ಮೇಘಾ ಶೆಟ್ಟಿ ಪ್ರಮುಖ ಪಾತ್ರದಲ್ಲಿರುವ ಜೊತೆ ಜೊತೆಯಲಿ ಧಾರವಾಹಿಯ ಟೈಟಲ್ ಹಾಡು ಈಗ ಯೂ ಟ್ಯೂಬ್ ನಲ್ಲಿ 3 ಕೋಟಿ ವೀಕ್ಷಣೆ ಪಡೆದು ದಾಖಲೆ ಮಾಡಿದೆ. ಧಾರವಾಹಿ ಹಾಡೊಂದು ಇಷ್ಟು ಜನಪ್ರಿಯವಾಗಿದ್ದು ಇದೇ ಮೊದಲು. ಈಗಾಗಲೇ ಈ ಧಾರವಾಹಿ 711 ಸಂಚಿಕೆಗಳ ಪ್ರಸಾರ ಕಂಡಿದೆ.