Viral Video: ರೈಲಿನಲ್ಲಿ ಮಹಿಳೆಯರ ಮುಂದೆ ನಿಂತು ಪ್ಯಾಂಟ್ ಜಿಪ್ ತೆರೆದು ನಿಂತ ಯುವಕ

Photo Credit: X

ಮುಂಬೈ: ರೈಲಿನ ಮಹಿಳೆಯರೇ ಹೆಚ್ಚಾಗಿದ್ದ ಕಂಪಾರ್ಟ್ ಮೆಂಟ್ ಗೆ ಹತ್ತಿದ ಯುವಕನೊಬ್ಬ ಎಲ್ಲರ ಎದುರೇ ಪ್ಯಾಂಟ್ ಜಿಪ್ ಬಿಚ್ಚಿ ಅಸಭ್ಯ ವರ್ತನೆ ತೋರಿದ್ದಾನೆ. ಈ ವಿಡಿಯೋ ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಮುಂಬೈನ ಲೋಕಲ್ ಟ್ರೈನ್ ನಲ್ಲಿ ಇಂತಹ ಅಸಭ್ಯ ಘಟನೆ ನಡೆದಿದೆ. ಮಹಿಳೆಯರು ಮತ್ತು ಮಕ್ಕಳು ಮಾತ್ರ ಕುಳಿತಿದ್ದ ಕಂಪಾರ್ಟ್ ಮೆಂಟ್ ಗೆ ಓರ್ವ ಯುವಕ ಹತ್ತಿದ್ದಾನೆ. ಆತನನ್ನು ನೋಡಿದರೆ ಆತ ಕಂಠಪೂರ್ತಿ ಕುಡಿದಿದ್ದ ಎನ್ನುವುದು ಸ್ಪಷ್ಟವಾಗುತ್ತದೆ.

ಬಳಿಕ ಮಹಿಳೆಯರ ಎದುರೇ ತನ್ನ ಪ್ಯಾಂಟ್ ಬಿಚ್ಚಿ ಖಾಸಗಿ ಅಂಗಾಂಗ ತೋರಿಸುವ ಯತ್ನ ಮಾಡಿದ್ದಾನೆ. ಈ ವೇಳೆ ಇದನ್ನು ಇನ್ನೊಬ್ಬ ಮಹಿಳೆ ಗಮನಿಸಿ ಮೊಬೈಲ್ ನಲ್ಲಿ ರೆಕಾರ್ಡಿಂಗ್ ಮಾಡಿದ್ದು, ಆತನಿಗೆ ಆವಾಜ್ ಹಾಕಿ ಗದರಿದ್ದಾಳೆ.

ಬಳಿಕ ಆತ ಪ್ಯಾಂಟ್ ಮೇಲೇರಿಸಿ ಬಾಗಿಲ ಬಳಿ ಮುಖ ಮಾಡಿ ನಿಂತಿದ್ದಾನೆ. ಈತನನ್ನು ಮಹಿಳೆಯರೇ ಸೇರಿಕೊಂಡು ಗದರಿ ರೈಲಿನಿಂದ ಇಳಿಸಿದ್ದಾರೆ. ರೈಲ್ವೇ ಸಹಾಯವಾಣಿಗೆ ಕರೆ ಮಾಡಿಯೂ ಪ್ರಯೋಜನವಾಗಿರಲಿಲ್ಲ ಎನ್ನಲಾಗಿದೆ.

Another similar incident, another intoxicated man climbed up the women's coach at around 8 AM at Chunabhatti station and was thrown out at GTB. He tried to remove his pants. Tried calling railway helpline number; no response and no police on platform. @MumbaiPolice @MinistryWCD https://t.co/zhrtpJ0Joi pic.twitter.com/i8ncXumIGx

— Manasi (@Manasisplaining) June 14, 2025