ತಡರಾತ್ರಿ ಮನೆ ಗೇಟ್ ತೆರೆದು ಅಲ್ಲಿ ಮಾಡಿದ್ದೇನು ಗೊತ್ತಾ?

ತಡರಾತ್ರಿ ಮನೆಗೇಟ್ ತೆರೆದು ಒಳ ಬಂದ ವ್ಯಕ್ತಿಯೊಬ್ಬ ಮಾಡಬಾರದ ಕೆಲಸ ಮಾಡಿದ್ದಾನೆ. ಆತನ ಕೃತ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಆನೇಕಲ್ ಪಟ್ಟಣದಲ್ಲಿ ಖದೀಮರ ಕೈಚಳಕ ನಿಲ್ಲುತ್ತಿಲ್ಲ. ಮಧ್ಯರಾತ್ರಿ ಮನೆ ಗೇಟ್ ತೆಗೆದು ಒಂದು ದ್ವಿಚಕ್ರ ವಾಹನ ಹಾಗೂ ಸೈಕಲ್ ನ್ನು ಕಳ್ಳತನಮಾಡಲಾಗಿದೆ.

ಬೆಂಗಳೂರು ಹೊರವಲಯ ಆನೇಕಲ್ ಪಟ್ಟಣದ ಸ್ವಾಮಿ ದೇವಾಲಯದ ರಸ್ತೆಯಲ್ಲಿ ಘಟನೆ ನಡೆದಿದೆ. ಕಳ್ಳ ಬೈಕ್ ಹಾಗೂ ಸೈಕಲ್ ಕದಿಯುತ್ತಿರುವ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.

ಬೆಳಗಿನ ಜಾವ ಮೂರು ಗಂಟೆ ಸುಮಾರಿಗೆ ಬಂದಿದ್ದ ಕಳ್ಳ, ಮನೆ ಗೇಟ್ ಬಳಿ ಬಂದು ಸಿಸಿ ಕ್ಯಾಮರಾ ಗಮನಿಸಿ ಟವಲ್ ನಲ್ಲಿ ಮೂಖ ಮುಚ್ಚಿಕೊಂಡಿದ್ದಾನೆ. ಬಾಬು ಎಂಬುವವರಿಗೆ ಸೇರಿದ ಮನೆಯಲ್ಲಿ ಕಳ್ಳತನ ಮಾಡಿದ್ದಾನೆ.

ಪಟ್ಟಣದಲ್ಲಿ ಒಂದೇ ವಾರದಲ್ಲಿ ಮೂರು ಕಡೆ ಸರಣಿ ಪ್ರಕರಣಗಳು ನಡೆದಿರುವುದು ಜನರ ಆಕ್ರೋಶಕ್ಕೆ ಕಾರಣವಾಗಿದೆ.  
ಮೂರು ಕಳ್ಳತನ ಪ್ರಕರಣಗಳಲ್ಲಿಯೂ ಸಿಸಿಟಿವಿಯ ದೃಶ್ಯ ಲಭ್ಯವಾದರೂ ಕಳ್ಳರು ಇನ್ನೂ ಸಿಕ್ಕಿಲ್ಲ. ಘಟನೆ ಸಂಬಂಧ ಆನೇಕಲ್ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.