ಕಾನೂನು ರಕ್ಷಣೆಯನ್ನು ಮಾಡಬೇಕಿದ್ದ ಪೇದೆಯೊಬ್ಬ ವಿಧವೆಯೊಬ್ಬಳ ಭವಿಷ್ಯದ ಜತೆ ಚೆಲ್ಲಾಟ, ಚಕ್ಕಂದ ಆಡಿದ ಘಟನೆ ವರದಿಯಾಗಿದೆ.
ಮದುವೆಯಾದ ಮೂರು ವರ್ಷಕ್ಕೆ ಆಕೆಯ ಗಂಡ ತೀರಿಕೊಂಡಿದ್ದ. ಅದಾಗಲೇ ಒಂದು ಮಗುವಿತ್ತು. ಗಂಡ ಸತ್ತ ನಂತರ ವಿಧವೆ ಏಕಾಂಗಿಯಾಗಿದ್ದಳು. ಆಗ ಸೋಶಿಯಲ್ ಮೀಡಿಯಾದಲ್ಲಿ ಪರಿಚಯವಾದನೇ ಈ ಪೊಲೀಸ್ ಪೇದೆ ಪ್ರದೀಪ್. ಬೆಂಗಳೂರಿನಲ್ಲಿ ಟ್ರಾಫಿಕ್ ಪೊಲೀಸ್ ಆಗಿ ಕೆಲಸ ಮಾಡುತ್ತಿದ್ದಾನೆ.
ವಿಧವೆ ತನ್ನ ಜೀವನ ಕಥೆ ಹಾಗೂ ಮಗುವಿನ ಬಗ್ಗೆ ಹೇಳಿಕೊಂಡಿದ್ದಾಳೆ. ಅಷ್ಟರಲ್ಲಾಗಲೇ ಲವ್ವಿ ಡವ್ವಿ ಶುರುವಾಗಿದೆ. ಆಗ ವಿಧವೆಯನ್ನು ಪೇದೆ ಪ್ರದೀಪ್ ಮದುವೆಯಾಗಿದ್ದಾನೆ.
ಆದರೆ ಮದುವೆಯಾಗಿ ಒಂದು ವರ್ಷವರೆಗೆ ಕುಚು ಕುಚು ನಡೆಸಿರೋ ಪೇದೆ ಈಗ ವಿಧವೆಗೆ ಕೈ ಕೊಟ್ಟಿದ್ದಾನೆ ಎಂಬ ಆರೋಪ ಕೇಳಿಬಂದಿದೆ.
ಜೀವನ ಕೊಡುತ್ತೇನೆ ಅಂತ ವಿಧವೆಯ ಕೈಹಿಡಿದ ಪೇದೆ ಇದೀಗ ವಿಧೆವೆಯ ಭವಿಷ್ಯದ ಜತೆ ಚೆಲ್ಲಾಟ ಆಡಿದ್ದಾನೆ. ನನ್ನ ಗಂಡ ನನಗೆ ಬೇಕು. ಹೀಗಂತ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದರೂ ಆಕೆಗೆ ನ್ಯಾಯ ಸಿಗುತ್ತಿಲ್ಲ.
