ಮೈಸೂರು: ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯಿಸುತ್ತಿರುವ ತ್ರಿಬಲ್ ರೈಡಿಂಗ್ ಸಿನಿಮಾದ ಚಿತ್ರೀಕರಣ ಮೈಸೂರಿನಲ್ಲಿ ಪ್ರಾರಂಭವಾಗಿದೆ.
ಲಾಕ್ ಡೌನ್ ಬಳಿಕ ಗೋಲ್ಡನ್ ಗಣಿ ಅಭಿನಯಿಸುತ್ತಿರುವ ಮೊದಲ ಸಿನಿಮಾವಿದು. ಈಗಾಗಲೇ ಹೈದರಾಬಾದ್ ನಲ್ಲಿ ಹಾಡುಗಳ ಧ್ವನಿ ಮುದ್ರಣ ನಡೆಸಿರುವ ಚಿತ್ರತಂಡ ನಿನ್ನೆಯಿಂದ ಮೈಸೂರಿನಲ್ಲಿ ಚಿತ್ರೀಕರಣ ಆರಂಭಿಸಿದೆ. ಆರು ತಿಂಗಳ ಬಳಿಕ ಚಿತ್ರೀಕರಣದಲ್ಲಿ ಪಾಲ್ಗೊಂಡ ಗಣೇಶ್ ಸೋಷಿಯಲ್ ಮೀಡಿಯಾದಲ್ಲಿ ಭಾವುಕ ಸಂದೇಶ ಬರೆದುಕೊಂಡಿದ್ದಾರೆ. ನನ್ನ ಆತನ ಸಂಬಂಧ ದೇವರ ಕೊಟ್ಟ ವರ. ನಮ್ಮಿಬ್ಬರ ಸಲುಗೆಗೆ ಯಾರ ಶಾಪ ತಟ್ಟಿತ್ತೋ, ಆರು ತಿಂಗಳು ದೂರವಾದ ಬಳಿಕ ಎದುರು ಬದಿರಾಗಿದ್ದೇವೆ. ಆತ ಬೇರಾರೂ ಅಲ್ಲ, ನನ್ನ ಬದುಕಿನ ಅಂಗ ಕ್ಯಾಮರಾ ಎಂದು ಗಣೇಶ್ ಬರೆದುಕೊಂಡಿದ್ದಾರೆ. ಈ ಸಿನಿಮಾದಲ್ಲಿ ಗಣೇಶ್ ಗೆ ನಾಯಕಿಯಾಗಿ ಜೊತೆ ಜೊತೆಯಲಿ ಧಾರವಾಹಿ ಖ್ಯಾತಿಯ ನಟಿ ಮೇಘಾ ಶೆಟ್ಟಿ ಅಭಿನಯಿಸುತ್ತಿದ್ದಾರೆ.
