ಡ್ರಗ್ಸ್ ಕೇಸ್ ನಲ್ಲಿ ಎನ್ ಸಿ ಬಿ ತನಿಖೆ ನಡೆಸುತ್ತಿದ್ದು, ಕೆಲವು ಬಾಲಿವುಡ್ ಘಟಾನುಘಟಿಗಳಿಗೆ ಹೈಟೆನ್ಶನ್ ಶುರುವಾಗಿದೆ.
ಡ್ರಗ್ಸ್ ಕುರಿತು ಚರ್ಚಿಸಿರುವ ಕೆಲವು ವಾಟ್ಸಾಪ್ ಸಂಭಾಷಣೆಗಳು ಎನ್ ಸಿ ಬಿ ಏಜೆನ್ಸಿ ಹತ್ತಿರ ಇವೆ ಎನ್ನಲಾಗಿದೆ. ಈ ಕೆಲವು ಚಾಟ್‌ಗಳು ದೀಪಿಕಾ ಪಡುಕೋಣೆ ಅವರ ವ್ಯವಸ್ಥಾಪಕ ಕರಿಷ್ಮಾ ಪ್ರಕಾಶ್ ಮತ್ತು ಒಬ್ಬ 'ಡಿ' ನಡುವೆ ಇದ್ದವು ಎನ್ನಲಾಗಿದೆ.
'ಚಪ್ಪಾಕ್' ನಟಿ ನಡುವಿನ ಸಂಭಾಷಣೆಯಲ್ಲಿ, ಪಾರ್ಟಿ ಮಾಡುತ್ತಿದ್ದ ಐಷಾರಾಮಿ ಕ್ಲಬ್‌ಗೆ "ಹ್ಯಾಶ್" ತರಲು ತನ್ನ ಮ್ಯಾನೇಜರ್‌ಗೆ ಹೇಳಲಾಗಿದೆ. ಇವರಿಬ್ಬರ ನಡುವೆ ಈ ಸಂದೇಶಗಳ ವಿನಿಮಯವು ಅಕ್ಟೋಬರ್ 2017 ರಲ್ಲಿ ವಾಟ್ಸಾಪ್‌ನಲ್ಲಿ ನಡೆದಿದೆ.
ಈ ನಡುವೆ ನಟಿ ದೀಪಿಕಾ ಪಡುಕೋಣೆ ದೆಹಲಿಯಲ್ಲಿ ತನ್ನ ಕಾನೂನು ತಂಡದೊಂದಿಗೆ ಸಂಪರ್ಕ ಹೊಂದಿದ್ದಾರೆ ಎನ್ನಲಾಗಿದೆ.
ಮುಂಬರುವ ಚಿತ್ರದ ಚಿತ್ರೀಕರಣಕ್ಕಾಗಿ ಪ್ರಸ್ತುತ ಗೋವಾದಲ್ಲಿರುವ ದೀಪಿಕಾ ಪಡುಕೋಣೆ ಶೀಘ್ರ ಗೋವಾ ಬಿಡುವ ಸಾಧ್ಯತೆಯಿದೆ.
