ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ 'ಡ್ರಗ್ ಲಿಂಕ್ ನ ಏಕೈಕ ಗ್ರಾಹಕ, ನಟನು ಜೀವಂತವಾಗಿದ್ದರೆ ಅವನಿಗೆ ಶಿಕ್ಷೆಯಾಗಬಹುದಿತ್ತು' ಹೀಗಂತ ವಾದ ಕೇಳಿಬಂದಿದೆ.
ಬಾಲಿವುಡ್ ನಟ ಸುಶಾಂತ ಸಿಂಗ್ ರಜಪೂತ್ ಸಾವಿನ ಕೇಸ್ ನಲ್ಲಿ ಜಾಮೀನು ಅರ್ಜಿಗೆ ಸಂಬಂಧಿಸಿದಂತೆ ಹೈಕೋರ್ಟ್‌ನಲ್ಲಿ ರಿಯಾ ಚಕ್ರವರ್ತಿ ಪರ ವಕೀಲರು ಈ ರೀತಿ ವಾದ ಮಂಡಿಸಿದ್ದಾರೆ ಎನ್ನಲಾಗಿದೆ.
ಜಾಮೀನು ಅರ್ಜಿ ವಿಚಾರಣೆಯ ಸಂದರ್ಭದಲ್ಲಿ ರಿಯಾ ಚಕ್ರವರ್ತಿ ಪರ ವಕೀಲ ಸತೀಶ್ ಮನೇಶಿಂದೆ ಅವರು, ಸುಶಾಂತ್ ಸಿಂಗ್ ರಜಪೂತ್ ಅವರು ಮಾದಕವಸ್ತುಗಳನ್ನು ಸೇವಿಸಿದ್ದಾರೆ ಮತ್ತು ರಿಯಾ ಅವರ ಭೇಟಿಗೆ ಮುಂಚಿತವಾಗಿ ನಟನಿಗೆ ಡ್ರಗ್ ಹವ್ಯಾಸವಿತ್ತು ಎಂದಿದ್ದಾರೆ.
ಸುಶಾಂತ್ ಸಿಂಗ್ ರಜಪೂತ್ 'ಮಾದಕವಸ್ತುಗಳ ಏಕೈಕ ಗ್ರಾಹಕ, ಅವನು ಜೀವಂತವಾಗಿದ್ದರೆ ಅವನಿಗೆ ಶಿಕ್ಷೆಯಾಗಬಹುದಿತ್ತು' ಎಂದು ವಾದಿಸಿದ್ದಾರೆ.
"ರಿಯಾ ಅವರು ನಟನ ಜೀವನದಲ್ಲಿ ಬಂದ ನಂತರ ಸುಶಾಂತ್ ಸಿಂಗ್ ರಜಪೂತ್ ಮಾದಕ ದ್ರವ್ಯಕ್ಕೆ ಸಿಲುಕಿದ್ದಲ್ಲ. ಅವರ ಸಹನಟರಾದ ಸಾರಾ ಅಲಿ ಖಾನ್ ಮತ್ತು ಶ್ರದ್ಧಾ ಕಪೂರ್ ಅವರು 2019 ಕ್ಕೆ ಮುಂಚಿತವಾಗಿ ಸುಶಾಂತ್ ಸಿಂಗ್ ರಜಪೂತ್ ಡ್ರಗ್ಸ್ ಸೇವಿಸುತ್ತಿದ್ದರು ಎಂದು ಹೇಳಿಕೆ ನೀಡಿದ್ದಾರೆ ಎಂದಿದ್ದಾರೆ.
