ಬೆಂಗಳೂರು: ಬಿಗ್ ಬಾಸ್ ಕನ್ನಡ 9 ನೇ ಆವೃತ್ತಿ ಕೊರೋನಾ ಇಲ್ಲದೇ ಹೋಗಿದ್ದರೆ ಈಗಾಗಲೇ ಆರಂಭವಾಗಬೇಕಿತ್ತು. ಆದರೆ ಕೊರೋನಾ ಕಾರಣದಿಂದ ಇಷ್ಟು ದಿನ ಮುಂದೂಡಿಕೆಯಾಗಿದ್ದ ಶೋ ಬರುವ ಜನವರಿಯಲ್ಲಿ ಆರಂಭವಾಗುವುದು ಪಕ್ಕಾ ಆಗಿದೆ.
ಈ ಬಾರಿಯ ಶೋ ಜನವರಿ ಎರಡು ಅಥವಾ ಮೂರನೇ ವಾರದಲ್ಲಿ ಆರಂಭವಾಗುವುದು ಪಕ್ಕಾ ಆಗಿದೆ. ಎಂದಿನಂತೇ ಕಿಚ್ಚ ಸುದೀಪ್ ಶೋ ನಡೆಸಿಕೊಡಲಿದ್ದು, ಈ ಬಾರಿಯೂ ಕೇವಲ ಸೆಲೆಬ್ರಿಟಿಗಳು ಮಾತ್ರ ಮನೆಯೊಳಗೆ ಪ್ರವೇಶ ಪಡೆಯಲಿದ್ದಾರೆ. ಅಂದರೆ ಕಾಮನ್ ಮ್ಯಾನ್ ಗಳಿಗೆ ಈ ಬಾರಿಯೂ ಅವಕಾಶವಿಲ್ಲ. ಇದಕ್ಕಾಗಿ ಈಗಲೇ ತಯಾರಿ ಆರಂಭವಾಗಿದೆ ಎನ್ನಲಾಗಿದೆ. ಸದ್ಯದಲ್ಲೇ ಸ್ಪರ್ಧಿಗಳನ್ನು ಕಲರ್ಸ್ ವಾಹಿನಿ ಅಂತಿಮಗೊಳಿಸಲಿದೆ.
