ಹೈದರಾಬಾದ್ : ನಟ ಪ್ರಭಾಸ್ ಅಭಿನಯದ , ಕೆಜಿಎಫ್ ನಿರ್ದೇಶಕ ಪ್ರಶಾಂತ್ ನೀಲ್ ನಿರ್ದೇಶನದ ‘ಸಲಾರ್’ ಚಿತ್ರ ಚಿತ್ರೀಕರಣ ಶುರುವಾಗಿದೆ. ಈ ನಡುವೆ ಈ ಚಿತ್ರ ಕನ್ನಡದ ರುದ್ರ ಚಿತ್ರದ ರಿಮೇಕ್ ಎಂಬ ವದಂತಿ ಕೇಳಿಬಂದಿದೆ.
ಚಿತ್ರದ ಪ್ರಾರಂಭದಲ್ಲಿಯೇ ನಿರ್ದೇಶಕ ಪ್ರಶಾಂತ್ ನೀಲ್ ಅವರು ಈ ಚಿತ್ರ ರಿಮೇಕ್ ಅಲ್ಲ ಎಂದು ತಿಳಿಸಿದ್ದರು. ಆದರೆ ಈ ಬಗ್ಗೆ ಇದೀಗ ಮಾಧ್ಯಮಗಳಲ್ಲಿ ಮತ್ತೆ ಸುದ್ದಿ ಕೇಳಿಬಂದ ಹಿನ್ನಲೆಯಲ್ಲಿ ನಿರ್ದೇಶಕ ಪ್ರಶಾಂತ್ ನೀಲ್ ಅವರು , ಸಲಾರ್ ಮೂವಿ ಯಾವುದೇ ಹಾಲಿವುಡ್, ಅಥವಾ ಇತರ ಚಿತ್ರಗಳ ರಿಮೇಕ್ ಅಲ್ಲ, ಮುಂದುವರಿದ ಭಾಗವು ಅಲ್ಲ ಎಂದು ತಿಳಿಸಿದ್ದಾರೆ.
