ಡಾ ಸಿಎನ್ ಮಂಜುನಾಥ್ ಪ್ರಕಾರ ಯಶಸ್ಸಿಗೆ ಬೇಕಾಗಿರುವುದು ಈ ಐದು ಸೂತ್ರಗಳು

ಜೀವನದಲ್ಲಿ ಯಶಸ್ವಿಯಾಗಬೇಕೆಂಬುದು ಎಲ್ಲರ ಬಯಕೆ. ಆದರೆ ಯಶಸ್ಸಿನ ಸೂತ್ರ ಯಾವುದು? ಖ್ಯಾತ ಹೃದ್ರೋಗ ತಜ್ಞ, ಸಂಸದ ಡಾ ಸಿಎನ್ ಮಂಜುನಾಥ್ ಸಂವಾದವೊಂದರಲ್ಲಿ ಐದು ಸೂತ್ರಗಳ ಬಗ್ಗೆ ಹೇಳಿದ್ದರು.

ನಾವು ಮಾಡುವ ಕೆಲಸದಲ್ಲಿ ಯಶಸ್ಸು, ಕೀರ್ತಿ ಸಿಗಬೇಕು ಎಂದು ಎಲ್ಲರೂ ಕಷ್ಟಪಡುತ್ತೇವೆ. ಆದರೆ ಯಶಸ್ಸು ಸಿಗಬೇಕಾದರೆ ನಾವು ಸರಿಯಾದ ದಾರಿಯಲ್ಲಿ ನಡೆಯಬೇಕು. ಸಕ್ಸಸ್ ಎನ್ನುವುದು ಅಷ್ಟು ಸುಲಭಕ್ಕೆ ಸಿಗುವುದಿಲ್ಲ.

ಯಶಸ್ಸು ಸಿಗಬೇಕೆಂದರೆ ಧೈರ್ಯ, ಸ್ಥಿರತೆ, ಸಂವಹನ, ಸಹಾನುಭೂತಿ ಮತ್ತು ಕ್ರಿಯಾತ್ಮಕತೆ ಇರುವುದು ತುಂಬಾ ಮುಖ್ಯ ಎಂದು ಡಾ ಸಿಎನ್ ಮಂಜುನಾಥ್ ಹೇಳುತ್ತಾರೆ. ಈ ಐದು ಇದ್ದರೆ ಯಶಸ್ಸು ತಾನಾಗಿಯೇ ಒಲಿದುಬರುತ್ತದೆ.

ಸೋಲಿನ ಭಯವನ್ನು ಬದಿಗಿಟ್ಟು ರಿಸ್ಕ್ ತೆಗೆದುಕೊಳ್ಳುವ ಮನೋಭಾವ ನಮ್ಮಲ್ಲಿದ್ದಾಗ ಮಾತ್ರ ಪ್ರಗತಿ ಸಾಧ್ಯ. ಯಶಸ್ಸು ಎಂಬುದು ಒಂದೇ ರಾತ್ರಿಯಲ್ಲಿ ಸಿಗುವ ಆಕಸ್ಮಿಕವಲ್ಲ, ಅದು ನಿರಂತರ ಪರಿಶ್ರಮದ ಫಲ. ನಮ್ಮ ಗುರಿಯತ್ತ ಪ್ರತಿದಿನವೂ ಸ್ಥಿರವಾಗಿ, ದೃಢ ಹೆಜ್ಜೆಯನ್ನಿಡುವುದು ಮುಖ್ಯ. ನಾವು ಎಷ್ಟೇ ಜ್ಞಾನಿಯಾಗಿದ್ದರೂ, ನಮ್ಮ ಆಲೋಚನೆಗಳನ್ನು ಮತ್ತು ಉದ್ದೇಶಗಳನ್ನು ಇತರರಿಗೆ ಸ್ಪಷ್ಟವಾಗಿ ತಲುಪಿಸುವ ಕಲೆ ಗೊತ್ತಿರಬೇಕು. ಉತ್ತಮ ವೃತ್ತಿಜೀವನದ ಯಶಸ್ಸಿನ ರಹಸ್ಯವೇ ಈ ಸಹಾನುಭೂತಿ. "ಮೊದಲು ರೋಗಿ, ಆಮೇಲೆ ಹಣ" ಎಂಬ ತತ್ವದಡಿ ಬಡವರ ನೋವಿಗೆ ಮಿಡಿಯುವ ಗುಣ ಅವರದ್ದಾಗಿತ್ತು. ಇತರರ ಸ್ಥಾನದಲ್ಲಿ ನಿಂತು ಅವರ ಕಷ್ಟವನ್ನು ಅರ್ಥಮಾಡಿಕೊಳ್ಳುವ ಈ ಗುಣವು ನಮ್ಮನ್ನು ಸಮಾಜದಲ್ಲಿ ಗೌರವಾನ್ವಿತ ನಾಯಕರನ್ನಾಗಿ ಮಾಡುತ್ತದೆ. ಸಮಸ್ಯೆಗಳು ಎದುರಾದಾಗ ಸಾಂಪ್ರದಾಯಿಕ ಮಾರ್ಗಗಳಲ್ಲೇ ಯೋಚಿಸದೆ, ಹೊಸ ಮತ್ತು ಸೃಜನಶೀಲ ಪರಿಹಾರಗಳನ್ನು ಹುಡುಕುವುದೇ ಕ್ರಿಯಾತ್ಮಕತೆ. ಕಾಲಕ್ಕೆ ತಕ್ಕಂತೆ ನಮ್ಮ ಯೋಚನಾ ಲಹರಿಯನ್ನು ಬದಲಾಯಿಸಿಕೊಳ್ಳುತ್ತಾ, ಹೊಸತನವನ್ನು ಅಳವಡಿಸಿಕೊಂಡರೆ ಮಾತ್ರ ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಯಶಸ್ವಿಯಾಗಲು ಸಾಧ್ಯ.