ಮುಂಬೈ: ಐಪಿಎಲ್ 2024 ರ ಮಿನಿ ಹರಾಜು ಪ್ರಕ್ರಿಯೆಗೆ ಕೆಲವೇ ದಿನಗಳು ಬಾಕಿಯಿದ್ದು, ಆರ್ ಸಿಬಿ ಮಾಜಿ ಆಟಗಾರ ಕೇದಾರ್ ಜಾಧವ್ ಕೊಳ್ಳುವವರೇ ಇಲ್ಲದೇ ಹೊರಬಿದ್ದಿದ್ದಾರೆ.
ಐಪಿಎಲ್ ಮಿನಿ ಹರಾಜು ಪ್ರಕ್ರಿಯೆಗೆ ಮುನ್ನ ಹರಾಜಿಗೊಳಗಾಗಲಿರುವ 333 ಆಟಗಾರರ ಪಟ್ಟಿಯನ್ನು ಅಂತಿಮಗೊಳಿಸಲಾಗಿದೆ. ಈ ಪಟ್ಟಿಯಲ್ಲಿ ಕೇದಾರ್ ಜಾಧವ್ ಹೆಸರು ಕೈಬಿಡಲಾಗಿದೆ.
ಕೇದಾರ್ ಜಾಧವ್ 2009 ರಿಂದ ಐಪಿಎಲ್ ಟೂರ್ನಿಯಲ್ಲಿದ್ದಾರೆ. ಆರ್ ಸಿಬಿ ಪರ ಅಭಿಯಾನ ಆರಂಭಿಸಿ ಬಳಿಕ ಡೆಲ್ಲಿ ಕ್ಯಾಪಿಟಲ್ಸ್, ಕೊಚ್ಚಿ ಟಸ್ಕರ್ಸ್, ಸನ್ ರೈಸರ್ಸ್ ಹೈದರಾಬಾದ್, ಸಿಎಸ್ ಕೆ ಪರವೂ ಐಪಿಎಲ್ ಆಡಿದ್ದರು. ಒಟ್ಟು 92 ಐಪಿಎಲ್ ಪಂದ್ಯಗಳಾಡಿರುವ ಜಾಧವ್ ಗಳಿಸಿದ್ದು ಕೇವಲ 1182 ರನ್.
ಇದುವರೆಗೆ ಐಪಿಎಲ್ ನಲ್ಲಿ ಅವರಿಂದ ಹೇಳಿಕೊಳ್ಳುವಂತಹ ಇನಿಂಗ್ಸ್ ಬಂದಿಲ್ಲ. ಹೀಗಾಗಿ ಅವರನ್ನು ಕೊಳ್ಳುವವರೇ ಇಲ್ಲವಾಗಿದೆ. ಹೀಗಾಗಿ ಅಂತಿಮ ಪಟ್ಟಿಯಿಂದ ಅವರ ಹೆಸರನ್ನು ಕೈ ಬಿಡಲಾಗಿದೆ. ಮೂಲತಃ ಜಾಧವ್ ಗೆ 2 ಕೋಟಿ ರೂ. ಮೂಲಧನವಿತ್ತು. ಆದರೆ ಯಾವುದೇ ಫ್ರಾಂಚೈಸಿಗಳೂ ಆಸಕ್ತಿ ತೋರದೇ ಇರುವುದರಿಂದ ಅವರನ್ನು ಕೈ ಬಿಡಲಾಗಿದೆ.
