ಲೀಡ್ಸ್: ಭಾರತ ಮತ್ತು ಇಂಗ್ಲೆಂಡ್ ನಡುವೆ ನಡೆಯಲಿರುವ ಟೆಸ್ಟ್ ಸರಣಿಯ ಮೊದಲ ಪಂದ್ಯಕ್ಕೆ ಲೀಡ್ಸ್ ನಲ್ಲಿ ಪಿಚ್ ಸಿದ್ಧವಾಗಿದೆ. ಮೊದಲ ದಿನ ಇಷ್ಟು ರನ್ ಬಂದರೂ ಸಾಕು, ತಂಡ ಮೇಲುಗೈ ಸಾಧಿಸುತ್ತದೆ ಎಂದಿದ್ದಾರೆ ಕ್ಯುರೇಟರ್ ಗಳು.
ಇಂಗ್ಲೆಂಡ್ ನಲ್ಲಿ ಸಾಮಾನ್ಯವಾಗಿ ಟೀಂ ಇಂಡಿಯಾಗೆ ವೇಗದ ಪಿಚ್ ನ ಗುಮ್ಮ ಕಾಡುತ್ತದೆ. ಈ ಬಾರಿಯೂ ಹಸಿರು ಹೊದಿಕೆಯ ಪಿಚ್ ನಿರ್ಮಿಸಲಾಗಿದೆ. ಹೀಗಾಗಿ ಮೊದಲ ದಿನವೇ ಭಾರತದಂತೆ ಇಲ್ಲಿ ರನ್ ಗಳಿಸಲು ಸಾಧ್ಯವಾಗುವುದಿಲ್ಲ.
ಕ್ಯುರೇಟರ್ ಗಳ ಪ್ರಕಾರ ಹಸಿರು ಹೊದಿಕೆಯಿದ್ದರೂ ಬ್ಯಾಟರ್ ಗಳು ಭಯಪಡಬೇಕಾಗಿಲ್ಲ. ಮೊದಲ ದಿನ 300 ರನ್ ಗಳಿಸಿದರೂ ಸಾಕು. ತಂಡ ಮೇಲುಗೈ ಸಾಧಿಸುತ್ತದೆ. ಮೊದಲ ದಿನ ಮಾತ್ರ ವೇಗಿಗಳಿಗೆ ಪಿಚ್ ಸಹಕರಿಸಬಹುದು. ಬಳಿಕ ಬ್ಯಾಟರ್ ಗಳಿಗೂ ಸಹಕಾರಿಯಾಗಲಿದೆ. ಹೀಗಾಗಿ ಟಾಸ್ ಗೆದ್ದ ತಂಡ ಮೊದಲು ಫೀಲ್ಡಿಂಗ್ ಮಾಡುವುದೇ ಉತ್ತಮ ಎನ್ನಲಾಗಿದೆ.
ಭಾರತ ಮತ್ತು ಇಂಗ್ಲೆಂಡ್ ನಡುವೆ ಐದು ಪಂದ್ಯಗಳ ಟೆಸ್ಟ್ ಸರಣಿ ನಡೆಯಲಿದ್ದು, ಮೊದಲ ಪಂದ್ಯ ಜೂನ್ 20 ರಿಂದ ಲೀಡ್ಸ್ ನಲ್ಲಿ ನಡೆಯಲಿದೆ. ವಿರಾಟ್ ಕೊಹ್ಲಿ-ರೋಹಿತ್ ಶರ್ಮಾ ನಿವೃತ್ತಿಯಾದ ಮೇಲೆ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯವಿದು. ಶುಬ್ಮನ್ ಗಿಲ್ ಯುವ ನಾಯಕತ್ವಕ್ಕೆ ಈ ಸರಣಿ ಅಗ್ನಿಪರೀಕ್ಷೆಯಾಗಲಿದೆ.
