ನವದೆಹಲಿ:ವಿವಾದಿತ ಬಾಬಾ ರಾಮ್ ರಹೀಂ ಸಿಂಗ್ ಕುರಿತಾಗಿ ಸಿನಿಮಾ ಮಾಡಲು ಹೊರಟಿದ್ದ ಬಾಲಿವುಡ್ ಹಾಟ್ ಬೆಡಗಿ ರಾಖಿ ಸಾವಂತ್ ಡೇರಾ ಬಾಬಾ ದತ್ತುಪುತ್ರಿ ಹನಿಪ್ರೀತ್ ಮೇಲೆ ಹೊಸ ಆರೋಪ ಮಾಡಿದ್ದಾಳೆ.
‘ಗುರ್ಮೀತ್ ಬಾಬಾನ ಹುಟ್ಟುಹಬ್ಬಕ್ಕೆ ಆತ ನನ್ನನ್ನು ಗುಫಾ (ಬಂಗಲೆ)ಗೆ ಕರೆದಿದ್ದ. ಆಗ ನನ್ನನ್ನು ಅಲ್ಲಿಗೆ ಹೋಗಿದ್ದೆ. ಆದರೆ ಹನಿಪ್ರೀತ್ ಗೆ ನಾನು ಬಾಬಾಗೆ ನಿಕಟವಾಗಿರುವುದು ಇಷ್ಟವಿರಲಿಲ್ಲ. ನಾನು ಆಕೆಗೆ ಸವತಿಯಾಗಬಹುದೆಂದು ಅವಳು ನನ್ನನ್ನು ದೂರವಿಡಲು ಪ್ರಯತ್ನಿಸಿದ್ದಳು’ ಎಂದು ರಾಖಿ ಹೇಳಿಕೊಂಡಿದ್ದಾರೆ.
ಅಲ್ಲದೆ, ಡೇರಾ ಬಾಬಾನ ಸುತ್ತ ಹುಡುಗಿಯರು ಮುತ್ತಿಕೊಂಡಿರುತ್ತಿದ್ದರು. ಅವನ ಈ ಅವತಾರ ನೋಡಿ ನನಗೆ ಆಘಾತವಾಗಿತ್ತು ಎಂದೂ ರಾಖಿ ಹೇಳಿಕೊಂಡಿದ್ದಾಳೆ. ಸದ್ಯಕ್ಕೆ ಬಾಬಾ ಅತ್ಯಾಚಾರ ಆರೋಪದಲ್ಲಿ ಜೈಲು ಸೇರಿದ್ದರೆ, ದತ್ತುಪುತ್ರಿ ಹನಿಪ್ರೀತ್ ಗಾಗಿ ಪೊಲೀಸರು ಹುಡುಕಾಟ ನಡೆಸಿದ್ದಾರೆ.
