ಬೆಂಗಳೂರು: ಬಿಗ್ ಬಾಸ್ ಕನ್ನಡ ಸೀಸನ್ 9 ರಲ್ಲಿ ರೂಪೇಶ್ ಶೆಟ್ಟಿ ವಿಜೇತರಾಗಿದ್ದಾರೆ. ಕರಾವಳಿ ಹುಡುಗ, ತುಳು ಸಿನಿಮಾ ನಟ ರೂಪೇಶ್ ಶೆಟ್ಟಿ ಬಿಗ್ ಬಾಸ್ ಟ್ರೋಫಿ ಒಲಿದಿದೆ.
ಒಟಿಟಿ ಆವೃತ್ತಿಯ ವಿಜೇತರಾಗಿದ್ದ ರೂಪೇಶ್ ಇದೀಗ ಸೀಸನ್ 9 ರಲ್ಲೂ ವಿಜೇತರಾಗಿರುವುದು ವಿಶೇಷ. ನಿನ್ನೆ ನಡೆದ ಫೈನಲ್ ನಲ್ಲಿ ರೂಪೇಶ್ ಮತ್ತು ರಾಕೇಶ್ ಅಡಿಗ ಟಾಪ್ 2 ರಲ್ಲಿ ಉಳಿದುಕೊಂಡರು. ದೀಪಿಕಾ ದಾಸ್ ಮೂರನೇ ಮತ್ತು ರೂಪೇಶ್ ರಾಜಣ್ಣ ನಾಲ್ಕನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡರು.
ಅಂತಿಮವಾಗಿ ಕಿಚ್ಚ ಸುದೀಪ್ ರೂಪೇಶ್ ಶೆಟ್ಟಿ ಮತ್ತು ರಾಕೇಶ್ ಅಡಿಗರನ್ನು ವೇದಿಕೆ ಕರೆತಂದರು. ಬಳಿಕ ರೂಪೇಶ್ ಶೆಟ್ಟಿಯನ್ನು ವಿಜೇತರಾಗಿ ಘೋಷಣೆ ಮಾಡಲಾಯಿತು. ಬಿಗ್ ಬಾಸ್ ವಿಜೇತರಾದ ರೂಪೇಶ್ ಟ್ರೋಫಿ ಜೊತೆಗೆ 50 ಲಕ್ಷ ರೂ. ಚಾನೆಲ್ ಕಡೆಯಿಂದ ಹಾಗೂ 10 ಲಕ್ಷ ರೂ. ಪ್ರಾಯೋಜಕರ ಕಡೆಯಿಂದ ಗೆದ್ದುಕೊಂಡರು. ರನ್ನರ್ ಅಪ್ ಆದ ರಾಕೇಶ್ ಗೆ ಪ್ರಾಯೋಜಕರ ಕಡೆಯಿಂದ 12 ಲಕ್ಷ ರೂ. ಬಹುಮಾನ ಸಿಕ್ಕಿದೆ.
