ಮಧ್ಯಪ್ರದೇಶ: ಯೂ ಟ್ಯೂಬ್ ನೋಡಿಕೊಂಡು ಕೆಲವರು ಒಳ್ಳೆ ವಿಚಾರಗಳನ್ನು ಕಲಿತುಕೊಂಡರೆ ಇನ್ನು ಕೆಲವರು ಬೇಡದ ವಿಚಾರಗಳನ್ನೂ ತಲೆಗೆ ತುಂಬುತ್ತಾರೆ. ಅಂತಹದ್ದೇ ಸಾಹಸ ಮಾಡಲು ಹೋಗಿ ಮಧ್ಯಪ್ರದೇಶದಲ್ಲಿ ಯುವಕನೊಬ್ಬ ಪೊಲೀಸರ ಅತಿಥಿಯಾಗಿದ್ದಾನೆ.
ಯೂ ಟ್ಯೂಬ್ ವಿಡಿಯೋ ನೋಡಿಕೊಂಡು ಈತ ಗನ್, ಬುಲೆಟ್ ತಯಾರಿಸುವುದು ಹೇಗೆಂದು ಕಲಿತಿದ್ದ. ಅಷ್ಟೇ ಅಲ್ಲ, ಪ್ರಾಯೋಗಿಕವಾಗಿ ಯಶಸ್ವಿಯೂ ಆಗಿದ್ದ.
ತನ್ನ ಕಾರಿನಲ್ಲಿ ಬುಲೆಟ್ ಮತ್ತು ಕಂಟ್ರಿಮೇಡ್ ಗನ್ ತೆಗೆದುಕೊಂಡು ಹೋಗುತ್ತಿದ್ದಾಗ ಪೊಲೀಸರ ತಪಾಸಣೆ ನಡೆಸಿದ್ದು, ಸಿಕ್ಕಿಬಿದ್ದಿದ್ದಾನೆ. ಇದೀಗ ಯುವಕನನ್ನು ಬಂಧಿಸಲಾಗಿದೆ.
