ಕುರೂಪಿ ಎಂದು ಗಂಡನನ್ನು ಕೊಂದವಳಿಗೆ ಜೀವಾವಧಿ ಶಿಕ್ಷೆ

ನವದೆಹಲಿ: ಗಂಡ ಕುರೂಪಿ ಎಂಬ ಕಾರಣಕ್ಕೆ ಬೆಂಕಿ ಹಚ್ಚಿ ಕೊಲೆ ಮಾಡಿದ ಪತ್ನಿಗೆ ಉತ್ತರ ಪ್ರದೇಶದ ಕೋರ್ಟ್ ಜೀವಾವಧಿ ಶಿಕ್ಷೆ ವಿಧಿಸಿದೆ.

ಬರೇಲಿಯ ಮಹಿಳೆ ತನ್ನ ಗಂಡ ಕಪ್ಪಗಿದ್ದಾನೆ, ಕುರೂಪಿಯಾಗಿದ್ದಾನೆಂದು ಸದಾ ಹಂಗಿಸುತ್ತಿದ್ದಳು. ವಿಚ್ಛೇದನ ನೀಡುವಂತೆ ಒತ್ತಾಯಿಸುತ್ತಿದ್ದಳು. ಈ ದಂಪತಿಗೆ ಓರ್ವ ಪುತ್ರಿಯೂ ಇದ್ದಾಳೆ. ಅದೇ ಕಾರಣಕ್ಕೆ ಗಂಡ ಮಲಗಿದ್ದಾಗ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿ ಕೊಲೆ ಮಾಡಿದ್ದಳು.

ಸಾಯುವ ಮುನ್ನ ಪತ್ನಿಯೇ ತನ್ನನ್ನು ಈ ಸ್ಥಿತಿಗೆ ತಂದಿಟ್ಟಿರುವುದಾಗಿ ಗಂಡ ಹೇಳಿಕೆ ನೀಡಿದ್ದ. ಹೀಗಾಗಿ ಅದನ್ನೇ ಪ್ರಮುಖ ಸಾಕ್ಷಿಯಾಗಿಟ್ಟುಕೊಂಡು ಕೋರ್ಟ್ ಆರೋಪಿ ಪತ್ನಿಗೆ ಜೀವಾವಧಿ ಶಿಕ್ಷೆ ನೀಡಿದೆ.