Publish Date: Fri, 13 May 2022 (05:31 IST)
Updated Date: Fri, 13 May 2022 (05:32 IST)
ಹೈದರಾಬಾದ್: ಪೊಲೀಸ್ ಸಹಾಯವಾಣಿ 100 ಕ್ಕೆ ಕರೆ ಮಾಡಿದ ಭೂಪ ಚಿಲ್ಡ್ ಬಿಯರ್ ತರುವಂತೆ ಆರ್ಡರ್ ಕೊಡುತ್ತಾನೆ. ಮನೆಗೆ ಬಂದ ಪೊಲೀಸರು ಆತನನ್ನು ಬಂಧಿಸಿ ಕರೆದೊಯ್ಯುತ್ತಾರೆ. ಇಂತಹದ್ದೊಂದು ಘಟನೆ ತೆಲಂಗಾಣದಲ್ಲಿ ನಡೆದಿದೆ.
ರಾತ್ರಿ ವೇಳೆ ಪೊಲೀಸ್ ಸಹಾಯವಾಣಿಗೆ ಕರೆ ಮಾಡಿದ ಆರೋಪಿ ಸಹಾಯ ಬೇಕೆಂದು ಕೇಳಿದ್ದ. ಆದರೆ ಯಾವ ಅಪರಾಧ ಎಂದು ಫೋನ್ ನಲ್ಲಿ ಹೇಳಲು ಸಾಧ್ಯವಿಲ್ಲ. ಮನೆಗೆ ಪೊಲೀಸರು ಬರಬೇಕೆಂದು ಆಗ್ರಹಿಸಿದ್ದ.
ಅದರಂತೆ ಇಬ್ಬರು ಕಾನ್ಸ್ ಟೇಬಲ್ ಗಳು ಆತನ ಮನೆಗೆ ಹೋಗಿದ್ದರು. ಆದರೆ ಅಲ್ಲಿ ಹೋದಾಗ ಆಗಲೇ ಪಾನಮತ್ತನಾಗಿದ್ದ ಆರೋಪಿ ಇನ್ನೆರಡು ಬಾಟಲಿ ಬಿಯರ್ ತರುವಂತೆ ಆರ್ಡರ್ ಮಾಡಿದ್ದ. ಆತನ ಧಿಮಾಕಿಗೆ ಪೊಲೀಸರ ಪಿತ್ತ ನೆತ್ತಿಗೇರಿದ್ದು, ಎರಡು ಏಟು ಕೊಟ್ಟು ಠಾಣೆಗೆ ಎಳೆದೊಯ್ದಿದ್ದಾರೆ.