ಕೇತನ್ ಅಗರ್ವಾಲ್ ನನ್ನು ಕೊಲೆ ಮಾಡಲು ಸಿಯಾ ತರಬೇತಿ ಪಡೆದಿದ್ದು ಇಲ್ಲಿಯೇ

ಪುಣೆ: ಕೇತನ್ ಅಗರ್ವಾಲ್ ನನ್ನು ಕೊಲೆ ಮಾಡಲು ಭಾವೀ ಪತ್ನಿ ಸಿಯಾ ಗೋಯಲ್ ಪ್ಲ್ಯಾನ್ ಮಾಡಿದ್ದು, ತರಬೇತಿ ಪಡೆದಿದ್ದು ಎಲ್ಲಿ ಗೊತ್ತಾ? ನಿಜಕ್ಕೂ ಶಾಕಿಂಗ್.

ಪುಣೆಯ ಯುವ ಉದ್ಯಮಿ 26 ವರ್ಷದ ಕೇತನ್ ಅಗರ್ವಾಲ್ ರನ್ನು ಭಾವೀ ಪತ್ನಿ ಸಿಯಾ (20 ವರ್ಷ) ಲೋಹಗಢ್ ಬೆಟ್ಟಕ್ಕೆ ಟ್ರಕ್ಕಿಂಗ್ ನೆಪದಲ್ಲಿ ಕರೆದೊಯ್ದು ಪ್ರಿಯಕರ ಚೇತನ್ ಚೌಧರಿ ಜೊತೆ ಸೇರಿ 400 ಅಡಿ ಪ್ರಪಾತಕ್ಕೆ ತಳ್ಳಿ ಕೊಲೆ ಮಾಡಿದ್ದಳು. ಇದೀಗ ಸಿಯಾ ಮತ್ತು ಚೇತನ್ ಇಬ್ಬರನ್ನೂ ಬಂಧಿಸಿರುವ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ.

ವಿಚಾರಣೆ ವೇಳೆ ಸಿಯಾ ಮಾಡಿದ್ದ ಪ್ಲ್ಯಾನ್ ಗಳು ಒಂದೊಂದೇ ಬಯಲಾಗುತ್ತಿದೆ. ಚೇತನ್ ಜೊತೆಗೆ ತನ್ನ ಸಂಬಂಧಕ್ಕೆ ಅಡ್ಡಿಯಾಗಿದ್ದ ಕೇತನ್ ನನ್ನು ಕೊಲೆ ಮಾಡಲು ಸಿಯಾ ಬಹಳ ದಿನಗಳಿಂದ ಪ್ಲ್ಯಾನ್ ಮಾಡಿದ್ದಳು. ಆನ್ ಲೈನ್ ನಲ್ಲಿ ಯಾವುದೇ ಅನುಮಾನ ಬಾರದಂತೆ ಕೊಲೆ ಮಾಡುವುದು ಹೇಗೆ ಎಂದು ಸಿಯಾ ಸರ್ಚ್ ಮಾಡಿದ್ದಳು. ಸಾಕಷ್ಟು ವಿಚಾರಗಳನ್ನು ಆನ್ ಲೈನ್ ನಿಂದ ತಿಳಿದುಕೊಂಡಿದ್ದಳು ಎಂದು ತಿಳಿದುಬಂದಿದೆ.

ಬಳಿಕ ಚೇತನ್ ಜೊತೆಗೆ ಹಲವು ಬಾರಿ ಕರೆ ಮಾಡಿ ಈ ವಿಚಾರದ ಬಗ್ಗೆ ಚರ್ಚೆ ನಡೆಸಿದ್ದಳು. ಒಂದೊಂದು ಕರೆ 2 ರಿಂದ 3 ಗಂಟೆಗಳ ಕಾಲವಿತ್ತು. ಈ ರೀತಿ ಜನವರಿ 1 ರಿಂದ ಜೂನ್ 18 ರ ನಡುವೆ ಬರೋಬ್ಬರಿ 2,004 ಬಾರಿ ಕರೆ ವಿನಿಮಯ ನಡೆದಿತ್ತು. ಕೊನೆಗೂ ಕೇತನ್ ಗೆ ಖೆಡ್ಡಾ ತೋಡಿಯೇ ಬಿಟ್ಟಳು.