ನವದೆಹಲಿ: ವಿಡಿಯೋ ಗೇಮ್ ಹುಚ್ಚು ಮಕ್ಕಳನ್ನು ಯಾವ ಮಟ್ಟಕ್ಕೆ ತಲುಪಿಸುತ್ತದೆ ಎನ್ನುವುದಕ್ಕೆ ಈ ಘಟನೆ ಒಂದು ನಿದರ್ಶನ. 11 ವರ್ಷದ ಬಾಲಕನೊಬ್ಬ ವಿಡಿಯೋ ಗೇಮ್ ನಲ್ಲಿ ಸೋತ ಹತಾಶೆಯಿಂದ ಪ್ರತಿಸ್ಪರ್ಧಿ 9 ಬಾಲಕಿಯ ಜೀವ ತೆಗೆದ ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದೆ.
ಬಾಲಕಿಯನ್ನು ಕಲ್ಲಿನಿಂದ ಜಜ್ಜಿ ಹತ್ಯೆ ಮಾಡಿದ ಬಾಲಕ ಭಯಗೊಂಡ ಸ್ವಯಂ ಲಾಕ್ ಮಾಡಿಕೊಂಡು ಮನೆಯೊಳಗೆ ಬಂಧಿಯಾಗಿದ್ದ. ಲಾಕ್ ಡೌನ್ ಸಂದರ್ಭದಲ್ಲಿ ಆನ್ ಲೈನ್ ಆಡುವ ಈ ಆಟವನ್ನು ಇಬ್ಬರೂ ಪದೇ ಪದೇ ಆಡುತ್ತಿದ್ದರು. ಆದರೆ ಪ್ರತೀ ಬಾರಿಯೂ ಬಾಲಕಿ ಎದುರು ಸೋಲುತ್ತಿದ್ದರಿಂದ ಹತಾಶೆಗೊಂಡ ಬಾಲಕ ಈ ಕೃತ್ಯವೆಸಗಿದ್ದಾನೆ.
