Publish Date: Wed, 09 Sep 2020 (10:01 IST)
Updated Date: Wed, 09 Sep 2020 (10:04 IST)
ಬೆಂಗಳೂರು: ಬಣ್ಣದ ಲೋಕ ಸಾಮಾನ್ಯ ಜನರಿಗಿಂತ ನಟ ನಟಿಯರನ್ನೇ ಹೆಚ್ಚು ಹಾದಿ ತಪ್ಪಿಸುತ್ತಿದೆ ಎನ್ನುವುದಕ್ಕೆ ಈಗ ನಡೆಯುತ್ತಿರುವ ಡ್ರಗ್ ಮಾಫಿಯಾವೂ ಸಾಕ್ಷಿ.
ಪಾರ್ಟಿ ಸಂಸ್ಕೃತಿಯೇ ಇಂತಹ ಅನೈತಿಕ ಚಟುವಟಿಕೆಗಳಿಗೆ ವೇದಿಕೆಯಾಗುತ್ತಿದೆ. ಜತೆಗೆ ದುಬಾರಿ ಲೈಫ್ ಸ್ಟೈಲ್ ನ ಕನಸು ಅಡ್ಡದಾರಿ ಹಿಡಿಸುತ್ತಿದೆ. ಸುಲಭವಾಗಿ ಹಣ ಮಾಡುವ, ಯಾವುದೇ ಮಾರ್ಗಕ್ಕೂ ಹೇಸದ ಮಧ್ಯವರ್ತಿಗಳು ಇದನ್ನೇ ಹಣ ಗಳಿಸುವ ಕಸುಬಾಗಿ ಮಾಡುತ್ತಿದ್ದಾರೆ. ಇಂತಹವರಿಗೆ ಸುಲಭವಾಗಿ ಆಹಾರವಾಗುತ್ತಿರುವುದು ಸಿನಿಮಾಗಳಲ್ಲಿ ಹೆಚ್ಚು ಅವಕಾಶ ಸಿಗದ, ಆದರೆ ಪ್ರತಿಭಾವಂತ ನಟಿಯರು.
ಇವರ ಬೆನ್ನ ಹಿಂದೆ ಪ್ರತಿಷ್ಠಿತರ ಮಕ್ಕಳೇ ಇರುತ್ತಾರೆ. ಹೀಗಾಗಿ ಇವರೂ ಎಗ್ಗಿಲ್ಲದೇ ವ್ಯವಹಾರ ನಡೆಸುತ್ತಾರೆ. ಆದರೆ ಯಾವಾಗ ಬುಡಕ್ಕೆ ಬರುತ್ತಾರೋ ಆಗ ಪ್ರತಿಷ್ಠಿತರೂ ಇಂತಹ ಮಧ್ಯವರ್ತಿಗಳನ್ನೇ ದಾಳವಾಗಿಸಿ ತಾವು ಅಮಾಯಕರೆಂದು ಬಿಂಬಿಸಿಕೊಳ್ಳುತ್ತಾರೆ. ಕೊನೆಗೆ ಸಿಕ್ಕಿಬೀಳುವುದು ಇಂತಹವರು ಮಾತ್ರ. ಕೆಲವು ದಿನಗಳ ಬಳಿಕ ಪ್ರಕರಣವೂ ಮುಚ್ಚಿಹೋಗುತ್ತದೆ, ಮತ್ತೆ ಇಂಥಾ ದಂಧೆಗಳು ಎಗ್ಗಿಲ್ಲದೇ ನಡೆಯುತ್ತದೆ.