ನೀವು ಹಾಲು ಕುಡಿಯುವವರಾಗಿದ್ದರೆ ಒಮ್ಮೆ ನಿಮ್ಮನೆಗೆ ತರುವ ಹಾಲನ್ನು ಪರೀಕ್ಷಿಸಿಕೊಳ್ಳಿ. ಏಕಂದ್ರೆ ಹಾಲಿಗೆ ಕೆಮಿಕಲ್ ಮಿಶ್ರಣ ಮಾಡುವ ಖದೀಮರ ಜಾಲವೊಂದು ಪತ್ತೆಯಾಗಿದೆ.
ರಾತೋರಾತ್ರಿ ಕೆಮಿಕಲ್ ಹಾಲು ತಯಾರಿಕಾ ಘಟಕದ ಮೇಲೆ ಪೊಲೀಸರು ರೇಡ್ ಮಾಡಿದ್ದಾರೆ. ಕೆಮಿಕಲ್ ಸಮೇತ ಸಿಕ್ಕಿ ಬಿದ್ದಿದ್ದಾರೆ 6 ಜನ ಖದೀಮರು.
ಬೆಳಗಾವಿ ಜಿಲ್ಲೆಯ ರಾಯಭಾಗ ತಾಲೂಕಿನ ಚಿಂಚಲಿ ಪಟ್ಟಣದಲ್ಲಿ ಘಟನೆ ನಡೆದಿದೆ. ಕೆಮಿಕಲ್ ಮಿಶ್ರಣ ಮಾಡಿ ಹಾಲಿನ ಪ್ಯಾಟ್ ಜಾಸ್ತಿ ಮಾಡುತ್ತಿದ್ದರು ಖದೀಮರು.
ಮಹರಾಷ್ಟ್ರದ ಸಾಂಗ್ಲಿಯಿಂದ ಕೆಮಿಕಲ್ ತರುವಾಗ ರೆಡ್ ಹ್ಯಾಂಡ್ ಆಗಿ ಸೆರೆಸಿಕ್ಕಿದ್ದಾರೆ ಖದೀಮರು. ಕುಮಾರ ಹಾರೂಗೇರಿ ಎಂಬುವವರಿಗೆ ಸೇರಿದ ಡೈರಿಯಲ್ಲಿ ನಡೆಯುತ್ತಿತ್ತು ಕೆಮಿಕಲ್ ಮಿಶ್ರಣ. ತಡರಾತ್ರಿ ರೇಡ್ ಮಾಡಿ 6 ಜನರನ್ನು ವಶಕ್ಕೆ ಪಡೆದಿದ್ದಾರೆ ಕುಡಚಿ ಪೊಲೀಸರು.
