ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆ ಹುಬ್ಬಳ್ಳಿಯಲ್ಲಿ ಭಾರತ ಎ ತಂಡ ಹಾಗೂ ಶ್ರೀಲಂಕಾ ಎ ತಂಡದ ಅನಧಿಕೃತ ಕ್ರಿಕೆಟ್ ಪಂದ್ಯಾವಳಿಯ ಎರಡನೇ ಪಂದ್ಯವು ನಾಳೆ ಬೆಳಗ್ಗೆ 9-30ಕ್ಕೆ ನಡೆಯಲಿದೆ.
ಇಲ್ಲಿನ ರಾಜನಗರದ ಕೆ ಎಸ್ ಸಿ ಎ ಮೈದಾನದಲ್ಲಿ ಪಂದ್ಯ ನಡೆಯಲಿದೆ ಎಂದು ಕೆ ಎಸ್ ಸಿ ಎ ಸಂಚಾಲಕ ಬಾಬಾ ಬೂಸದ ತಿಳಿಸಿದರು.
ನಗರದಲ್ಲಿಂದು ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ನಾಳೆ ಬೆಳಗ್ಗೆ ಜರುಗಲಿರುವ ಭಾರತದ ಹಾಗೂ ಶ್ರೀಲಂಕಾ ಅನಧಿಕೃತ ಕ್ರಿಕೆಟ್ ಸರಣಿಯ ಎರಡನೇ ಪಂದ್ಯವನ್ನು ಕೆ ಎಸ್ ಸಿ ಎ ಮೈದಾನದಲ್ಲಿ ಆಡಲಿವೆ ಎಂದರು. ಕ್ರಿಕೆಟ್ ಪಂದ್ಯಾವಳಿಗೆ ಹು-ಧಾ ಮಹಾನಗರ ಪೊಲೀಸ್ ಆಯುಕ್ತರಾದ ಎಂ.ಎನ್.ನಾಗರಾಜ ಚಾಲನೆ ನೀಡಲಿದ್ದಾರೆ ಎಂದು ಅವರು ತಿಳಿಸಿದರು. ಭಾರತೀಯ ತಂಡವನ್ನು ಪ್ರಿಯಾಂಕ್ ಪಾಂಚಾಲ, ಶ್ರೀಲಂಕಾ ತಂಡವನ್ನು ಅಸನ್ ಪ್ರಿಯಾಂಜನ್ ನಾಯಕರಾಗಿ ಮುನ್ನಡಿಸಲಿದ್ದಾರೆ ಎಂದರು.
ಎರಡು ತಂಡದ ನಾಯಕರುಗಳು ಮೈದಾನದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿ ಗೆಲ್ಲುವ ತವಕ ವ್ಯಕ್ತಪಡಿಸಿದರು ಎಂದರು. ಈಗಾಗಲೇ ಕ್ರೀಡಾಂಗಣದ ಸಕಲ ಸಿದ್ದತೆಗಳು ಪೂರ್ಣಗೊಂಡಿದ್ದು, ಅಂತಿಮ ಚಟುವಟಿಕೆಗಳು ಬಾಕಿಯಿದೆ. ಇಂದು ಸಂಜೆಯವರೆಗೆ ಎಲ್ಲ ಪೂರ್ಣಗೊಳ್ಳಲಿವೆ ಎಂದು ಅವರು ಮಾಹಿತಿ ನೀಡಿದರು.
