ಬಾಲಕಿಯ ಕಿಡ್ನಾಪ್ ಮಾಡಿ 50 ಲಕ್ಷಕ್ಕೆ ಡಿಮ್ಯಾಂಡ್

ಬಾಗಲಕೋಟೆ: ಟ್ಯೂಷನ್ ಗೆ ಹೋಗಿದ್ದ ಬಾಲಕಿಯನ್ನು ಅಪರಹರಿಸಿ ಅಪಹರಣಕಾರರು 50 ಲಕ್ಷ ರೂ.ಗೆ ಬೇಡಿಕೆಯಿಟ್ಟ ಘಟನೆ ಬಾಗಲಕೋಟೆಯಲ್ಲಿ ನಡೆದಿದೆ.

ರಾತ್ರಿ 8 ಗಂಟೆಗೆ ಅಪಹರಣ ನಡೆದಿದೆ. ಕೃತಿಕಾ ಎಂಬಾಕೆ ಅಪಹರಣಕ್ಕೊಳಗಾದವಳು. ಇದೀಗ ವಿಚಾರಣೆ ನಡೆಸುತ್ತಿರುವ ಪೊಲೀಸರಿಗೆ ಬಾಲಕಿಯ ಮಾವ ಅನಿಲ್ ಬಾಡಂಗಡಿ ಮೇಲೆ ಅನುಮಾನ ಮೂಡಿದೆ.

ಚಾಕಲೇಟ್ ನೆಪ ಹೇಳಿ ಕಾರೊಳಕ್ಕೆ ಎಳೆದೊಯ್ದ ಅನಿಲ್ ಹಾಗೂ ನಾಲ್ವರು ಸಹಚರರು ಬಾಲಕಿಯನ್ನು ಅಪಹರಿಸಿದ್ದಾರೆ ಎಂದು ಸ್ಥಳೀಯರೂ ಹೇಳಿದ್ದಾರೆ. ಈ ನಡುವೆ ಪೋಷಕರಿಗೆ ಕರೆ ಮಾಡಿ 50 ಲಕ್ಷ ರೂ.ಗೆ ಬೇಡಿಕೆಯಿಟ್ಟಿದ್ದಾರೆ. ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.