ಅತೃಪ್ತ ಶಾಸಕರು ಮುಂಬೈಗೆ – ಜೆಡಿಎಸ್ ಶಾಸಕರು ಈ ರೆಸಾರ್ಟ್ ಗೆ?

ದೋಸ್ತಿ ಸರಕಾರದ ವಿರುದ್ಧ ಅಸಮಧಾನಗೊಂಡು ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಿರುವ ಕೆಲ ಶಾಸಕರು ಮುಂಬೈಗೆ ಹಾರಿರುವ ಬೆನ್ನಲ್ಲೇ ಜೆಡಿಎಸ್ ತನ್ನ ಶಾಸಕರನ್ನು ಸುರಕ್ಷಿತವಾಗಿ ಒಗ್ಗಟ್ಟಾಗಿ ಇಟ್ಟುಕೊಳ್ಳಲು ಮುಂದಾಗಿದೆ.

ಜೆಡಿಎಸ್ ಶಾಸಕರು ಪಕ್ಷ ಬಿಟ್ಟು ಹೋಗದಂತೆ ಹಾಗೂ ಸರಕಾರವನ್ನು ಸುಸ್ಥಿರವಾಗಿ ಮುಂದುವರಿಸಲು ಅನುವಾಗುವಂತೆ ನೋಡಿಕೊಳ್ಳಲು ಮಡಿಕೇರಿಯ ರೆಸಾರ್ಟ್ ನಲ್ಲಿ ರೂಂಗಳನ್ನು ಬುಕ್ ಮಾಡಲಾಗಿದೆ ಎನ್ನಲಾಗಿದೆ.

ಸೋಮವಾರಪೇಟೆ ತಾಲೂಕಿನ ಪ್ಯಾಡಿಂಗ್ ಟನ್ ರೆಸಾರ್ಟಿನಲ್ಲಿ ಜೆಡಿಎಸ್ ಶಾಸಕರಿಗಾಗಿ ರೂಮುಗಳು ಬುಕ್ ಆಗಿವೆ. ರಾತ್ರಿಯೊಳಗಾಗಿ ರೆಸಾರ್ಟ್ ಗೆ ಬರುವುದಾಗಿ ಬುಕ್ ಮಾಡಲಾಗಿದೆ.

ರೂಮುಗಳು ಬುಕ್ ಆಗಿರುವ ಕುರಿತು ರೆಸಾರ್ಟ್ ಸಿಬ್ಬಂದಿ ಸಹ ಸ್ಪಷ್ಟನೆ ನೀಡಿದ್ದಾರೆ. ಆದರೆ ಜೆಡಿಎಸ್ ಶಾಸಕರು ಬರುತ್ತಾರೋ ಇಲ್ಲವೇ ಬೇರೆಯಾವುದಾರೂ ಸುರಕ್ಷಿತ ಸ್ಥಳಕ್ಕೆ ತೆರಳುತ್ತಾರೋ ಅನ್ನೋ ಕುತೂಹಲವಂತೂ ಇದ್ದೇ ಇದೆ.