ಹೈದರಾಬಾದ್: ಬಹುನಿರೀಕ್ಷಿತ ಕೆಜಿಎಫ್ 2 ಸಿನಿಮಾದ ಕ್ಲೈಮ್ಯಾಕ್ಸ್ ದೃಶ್ಯದ ಚಿತ್ರೀಕರಣ ಹೈದರಾಬಾದ್ ನ ವಿಶೇಷ ಸೆಟ್ ನಲ್ಲಿ ನಡೆಯುತ್ತಿದೆ. ಕ್ಲೈಮ್ಯಾಕ್ಸ್ ನ ಸಾಹಸ ದೃಶ್ಯದಲ್ಲಿ ರಾಕಿ ಭಾಯ್ ಯಶ್-ಅಧೀರ ಸಂಜಯ್ ದತ್ ಪಾಲ್ಗೊಂಡಿದ್ದಾರೆ.
ಈ ವಿಚಾರವನ್ನು ಖುದ್ದು ನಿರ್ದೇಶಕ ಪ್ರಶಾಂತ್ ನೀಲ್ ಪ್ರಕಟಿಸಿದ್ದಾರೆ. ರಾಕಿ, ಅಧೀರ ಇಬ್ಬರೂ ಡೆಡ್ಲೀ ಫೈಟ್ ಸೀನ್ ನಲ್ಲಿ ಪಾಲ್ಗೊಂಡಿರುವುದಾಗಿ ಪ್ರಶಾಂತ್ ಪ್ರಕಟಿಸಿದ್ದಾರೆ. ಈ ಚಿತ್ರೀಕರಣ ಮುಗಿಸಿದರೆ ಕೆಜಿಎಫ್ 2 ಚಿತ್ರೀಕರಣ ಸಂಪೂರ್ಣವಾಗುತ್ತದೆ. ಅದಾದ ಬಳಿಕ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳು ನಡೆಯಲಿದೆ.
