ರಿಯಲ್ ಸ್ಟಾರ್ ಉಪೇಂದ್ರ ಕೈಯಲ್ಲಿದೆ ಸಾಲು ಸಾಲು ಸಿನಿಮಾಗಳು

ಬೆಂಗಳೂರು: ರಿಯಲ್ ಸ್ಟಾರ್ ಉಪೇಂದ್ರ ಅಭಿನಯದ ಸಿನಿಮಾವೊಂದನ್ನು ನೋಡದೇ ಪ್ರೇಕ್ಷಕರು ಬಹಳ ಕಾಲವಾಗಿದೆ. ಈಗ ಉಪೇಂದ್ರರ ಕೈಯಲ್ಲಿ ಸಾಲು ಸಾಲು ಸಿನಿಮಾಗಳಿವೆ.

ಉಪೇಂದ್ರರನ್ನು ಇಷ್ಟಪಡುವ ಪ್ರತ್ಯೇಕ ಪ್ರೇಕ್ಷಕ ವರ್ಗವೇ ಇದೆ. ಇವರೆಲ್ಲಾ ಅವರ ಒಂದು ಸಿನಿಮಾ ಬಿಡುಗಡೆಗಾಗಿ ಕಾದು ಕುಳಿತಿದ್ದಾರೆ. ಮುಂದಿನ ವರ್ಷ ಅವರ ಕೆಲವು ಸಿನಿಮಾಗಳು ಬಿಡುಗಡೆಯಾಗುವ ಸಾಧ‍್ಯತೆಯಿದೆ.

ಆ ಪೈಕಿ ಆರ್ ಚಂದ್ರು ನಿರ್ದೇಶನದ ಪ್ಯಾನ್ ಇಂಡಿಯಾ ಸಿನಿಮಾ ಕಬ್ಜ ಕೂಡಾ ಒಂದು. ಇದಲ್ಲದೆ, ಉಪೇಂದ್ರ ಮತ್ತೆ ಬಾ, ಕನ್ನೇಶ್ವರ, ಉಪ್ಪಿ ರುಪೀ, ಲಗಾಮು, ಬುದ್ಧಿವಂತ 2 ಹೀಗೆ ಲಿಸ್ಟ್ ಬೆಳೆಯುತ್ತಲೇ ಇದೆ. 2019 ರಲ್ಲಿ ಐ ಲವ್ ಯೂ ಸಿನಿಮಾ ಬಳಿಕ ಉಪೇಂದ್ರರ ಯಾವುದೇ ಸಿನಿಮಾಗಳೂ ಬಿಡುಗಡೆಯಾಗಿಲ್ಲ. ಹೀಗಾಗಿ ಮುಂದಿನ ವರ್ಷ ಉಪೇಂದ್ರ ನಟನೆಯ ಸಿನಿಮಾ ರಿಲೀಸ್ ಜೊತೆಗೆ ನಿರ್ದೇಶನದ ಸಿನಿಮಾವೂ ಘೋಷಣೆಯಾಗುವ ಸಾಧ್ಯತೆಯಿದೆ.