ಬೆಂಗಳೂರು: ರಾಜ್ ಬಿ ಶೆಟ್ಟಿ ನಟಿಸಿರುವ ಟೋಬಿ ಸಿನಿಮಾದ ಟ್ರೈಲರ್ ನಿನ್ನೆ ಲಾಂಚ್ ಆಗಿದ್ದು, ಭಾರೀ ಮೆಚ್ಚುಗೆ ಪಡೆದಿದೆ. ಟೋಬಿ ಸಿನಿಮಾ ಕತೆ ಟಿ.ಕೆ. ದಯಾನಂದ್ ಅವರದ್ದು.
ಟ್ರೈಲರ್ ಲಾಂಚ್ ವೇಳೆ ಟಿ.ಕೆ. ದಯಾನಂದ್ ಟೋಬಿ ಕತೆ ಬಗ್ಗೆ ಮಾತನಾಡಿದ್ದಾರೆ. ಈ ವೇಳೆ ಹಲವು ಇಂಟ್ರೆಸ್ಟಿಂಗ್ ವಿಚಾರಗಳನ್ನೂ ಹಂಚಿಕೊಂಡಿದ್ದಾರೆ.
ಮುಂಬೈನಲ್ಲಿ ಕತೆ ಸ್ಪರ್ಧೆಯೊಂದಕ್ಕೆ ಟೋಬಿ ಕತೆಯನ್ನು ಕಳುಹಿಸಿದ್ದರಂತೆ ಟಿ.ಕೆ. ದಯಾನಂದ್. ಮೂರೂವರೆ ಲಕ್ಷಕ್ಕೂ ಅಧಿಕ ಕತೆಗಳು ಸ್ಪರ್ಧೆಯಲ್ಲಿದ್ದವು. ಆ ಪೈಕಿ ಟೋಬಿ ಗೆದ್ದಿತ್ತು. ಈ ಕತೆಯ ಬಗ್ಗೆ ಮಿಲ್ಕಿ ಬ್ಯೂಟಿ ತಮನ್ನಾ ಕೂಡಾ ಮೆಚ್ಚುಗೆ ವ್ಯಕ್ತಪಡಿಸಿದ್ದರಂತೆ. ನೀವು ಈ ಕತೆಯನ್ನು ಏಕೆ, ಹೇಗೆ ಬರೆದೆಯೋ ಗೊತ್ತಿಲ್ಲ. ಆದರೆ ಟೋಬಿ ಕತೆ ನನ್ನನ್ನು ಬಹಳ ಕಾಡಿತು ಎಂದಿದ್ದರಂತೆ.
ಈ ಕತೆಯನ್ನು ಟಿ.ಕೆ. ದಯಾನಂದ್ ಮೊದಲು ಹೇಳಿದ್ದು ಪುನೀತ್ ರಾಜ್ ಕುಮಾರ್ ಗೆ. ಅವರಿಗೆ ಕತೆಯೂ ಇಷ್ಟವಾಗಿತ್ತು. ಆದರೆ ಈಗ ನಾನು ಫ್ಯಾಮಿಲಿ ಓರಿಯೆಂಟೆಡ್ ನಟ ಎಂದು ಗುರುತಿಸಿಕೊಂಡಿದ್ದೇನೆ. ಇಂತಹ ವಿಕ್ಷಿಪ್ತ ಪಾತ್ರವನ್ನು ಮಾಡಿದರೆ ಜನ ಒಪ್ಪಿಕೊಳ್ಳಲ್ಲ ಎಂದು ನಿರಾಕರಿಸಿದರಂತೆ. ಬಳಿಕ ರಿಷಬ್ ಶೆಟ್ಟಿಗೆ ಕತೆ ಹೇಳಿದಾಗ ಅವರು ಸಿನಿಮಾ ಮಾಡಲು ಒಪ್ಪಿಕೊಂಡರು. ಆದರೆ ಬಳಿಕ ಅವರು ಕಾಂತಾರದಲ್ಲಿ ಬ್ಯುಸಿಯಾದರು. ಹೀಗಾಗಿ ಕೊನೆಗೆ ರಾಜ್ ಬಿ ಶೆಟ್ಟಿ ಸಿನಿಮಾ ಮಾಡಿದರು ಎಂದಿದ್ದಾರೆ.
