ಬೆಂಗಳೂರು: ಇತ್ತೀಚೆಗಷ್ಟೇ ಮದುವೆಯಾಗಿರುವ ನಟಿ ಸೋನಲ್ ಮೊಂಥೆರೋ ಈಗ ಪತಿ ತರುಣ್ ಸುಧೀರ್ ಜೊತೆ ಮಾಲ್ಡೀವ್ಸ್ ನಲ್ಲಿ ಹನಿಮೂನ್ ಮಾಡುತ್ತಿದ್ದಾರೆ. ಆದರೆ ಒಂದು ವಿಚಾರಕ್ಕೆ ಅವರೀಗ ಅಭಿಮಾನಿಗಳಿಂದ ಶಹಬ್ಬಾಶ್ ಗಿರಿ ಪಡೆದಿದ್ದಾರೆ.
ಸಾಮಾನ್ಯವಾಗಿ ಸೆಲೆಬ್ರಿಟಿಗಳು ಮದುವೆಯಾದ ಬಳಿಕ ತಮ್ಮ ಡ್ರೆಸ್ ಗೆ ತಕ್ಕಂತೆ ತಾಳಿ, ಕಾಲುಂಗುರ, ಕುಂಕುಮ ಎಲ್ಲವನ್ನೂ ಬಿಚ್ಚಿಡುತ್ತಾರೆ. ಆದರೆ ಸೋನಲ್ ಮೂಲತಃ ಕ್ರಿಶ್ಚಿಯನ್ ಧರ್ಮೀಯರಾಗಿದ್ದರೂ ಹಿಂದೂ ಧರ್ಮದ ಆಚರಣೆಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುತ್ತಿದ್ದಾರೆ.
ಮದುವೆಯಾದ ಬಳಿಕ ಹನಿಮೂನ್ ಗೆ ಹೋಗಿರುವ ಸೋನಲ್ ಮಾಡರ್ನ್ ಡ್ರೆಸ್ ನಲ್ಲಿದ್ದರೂ ತಮ್ಮ ಕುತ್ತಿಗೆಯಿಂದ ತಾಳಿ ಸರ ಮಾತ್ರ ತೆಗೆದಿಲ್ಲ. ತರುಣ್ ಜೊತೆಗೆ ಮಾಲ್ಡೀವ್ಸ್ ನಿಂದ ಅನೇಕ ಫೋಟೋ, ವಿಡಿಯೋಗಳನ್ನು ಸೋನಲ್ ಹಂಚಿಕೊಳ್ಳುತ್ತಿದ್ದಾರೆ. ಆದರೆ ಎಲ್ಲಾ ಫೋಟೋಗಳಲ್ಲೂ ಅವರ ಕುತ್ತಿಗೆಯಲ್ಲಿ ತಾಳಿ ಮಾತ್ರ ಹಾಗೆಯೇ ಇದೆ.
ಇದನ್ನು ನೋಡಿ ನೆಟ್ಟಿಗರು ಹೊಗಳಿದ್ದಾರೆ. ಸೆಲೆಬ್ರಿಟಿಯಾಗಿದ್ದರೂ, ಎಂತಹದ್ದೇ ಡ್ರೆಸ್ ಹಾಕಿದ್ದರೂ ತಾಳಿಗೆ ಕೊಡುವ ಗೌರವ ಕೊಡುತ್ತಿದ್ದೀರಲ್ಲಾ. ನೀವು ನಿಜಕ್ಕೂ ಗ್ರೇಟ್ ಎಂದು ಸೋನಲ್ ರನ್ನು ಹೊಗಳುತ್ತಿದ್ದಾರೆ. ತರುಣ್ ಸುಧೀರ್ ಮತ್ತು ಸೋನಲ್ ಇತ್ತೀಚೆಗೆ ಆಗಸ್ಟ್ ನಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು.
