ಬೆಂಗಳೂರು: ವೇದಾ ಸಿನಿಮಾ ಮೂಲಕ ನಿರ್ಮಾಣಕ್ಕೆ ಕೈ ಹಾಕಿರುವ ಗೀತಾ ಶಿವರಾಜ್ ಕುಮಾರ್ ನೇತೃತ್ವದ ಗೀತಾ ಪಿಕ್ಚರ್ಸ್ ಲಾಂಚಿಂಗ್ ಮತ್ತು ವೇದಾ ಫಸ್ಟ್ ಲುಕ್ ಬಿಡುಗಡೆ ಸಮಾರಂಭ ನಿನ್ನೆ ಸಂಜೆ ರಂಗೇರಿದೆ.
ಪುನೀತ್ ರಾಜ್ ಕುಮಾರ್ ನಿಧನರಾದ ಮೇಲೆ ಡಾ. ರಾಜ್ ಕುಮಾರ್ ಒಟ್ಟಾಗಿ ಖುಷಿಯ ಕ್ಷಣಗಳನ್ನು ಹಂಚಿಕೊಂಡಿದ್ದೇ ಕಡಿಮೆ. ಇದೀಗ ವೇದಾ ಫಸ್ಟ್ ಲುಕ್ ಜೊತೆಗೆ ಗೀತಾ ಪಿಕ್ಚರ್ಸ್ ಲಾಂಚ್ ಮುಹೂರ್ತದಲ್ಲಿ ರಾಜ್ ಕುಟುಂಬ ಒಟ್ಟು ಸೇರಿದೆ.
ಗೀತಾ, ಶಿವರಾಜ್ ಕುಮಾರ್, ಪುತ್ರಿ ನಿವೇದಿತಾ, ಡಾ. ರಾಜ್ ಪುತ್ರಿ ಪೂರ್ಣಿಮಾ, ಮಗಳು ಧನ್ಯಾ, ಧೀರೇನ್, ಅಶ್ವಿನಿ ಪುನೀತ್ ರಾಜ್ ಕುಮಾರ್, ಪುತ್ರಿಯರಾದ ಧೃತಿ, ವಂದಿತಾ ಸೇರಿದಂತೆ ಇಡೀ ರಾಜ್ ಕುಟುಂಬ ವೇದಿಕೆಗೆ ಬಂತು ಫೋಟೋಗೆ ಪೋಸ್ ನೀಡಿದೆ. ಈ ವೇಳೆ ವೇದ ಫಸ್ಟ್ ಲುಕ್ ರಿಲೀಸ್ ಆಗಿದೆ. ಜೊತೆಗೆ ಗೀತಾ ಶಿವರಾಜ್ ಕುಮಾರ್ ಹುಟ್ಟುಹಬ್ಬವೂ ಆಗಿದ್ದರಿಂದ ಈ ಸಮಾರಂಭಕ್ಕೆ ವಿಶೇಷ ಕಳೆ ಬಂದಿತ್ತು.
ಈ ವೇಳೆ ಕ್ರಿಕೆಟಿಗ ಅನಿಲ್ ಕುಂಬ್ಳೆ, ಹಿರಿಯ ನಟ ಅನಂತ್ ನಾಗ್ ಮುಂತಾದವರು ಡಾ. ರಾಜ್ ಕುಟುಂಬದ ಬಗ್ಗೆ ವಿಶೇಷ ಪ್ರೀತಿ ವ್ಯಕ್ತಪಡಿಸಿದರು.
