ಬೆಂಗಳೂರು: ಜೋಗಿ ಪ್ರೇಮ್ ನಿರ್ದೇಶನದ ಧ್ರುವ ಸರ್ಜಾ ನಾಯಕರಾಗಿರುವ ಕೆಡಿ ಸಿನಿಮಾದಲ್ಲಿ ಶಿಲ್ಪಾ ಶೆಟ್ಟಿ ಕೂಡಾ ನಟಿಸುತ್ತಿದ್ದು ಇದೀಗ ಚಿತ್ರೀಕರಣ ಪೂರ್ತಿ ಮಾಡಿದ್ದಾರೆ.
ನಟಿ ಶಿಲ್ಪಾ ಶೆಟ್ಟಿ ಚಿತ್ರತಂಡದೊಂದಿಗೆ ಕೊನೆಯ ದಿನದ ಶೂಟಿಂಗ್ ನ ವಿಡಿಯೋವನ್ನು ಸೋಷಿಯಲ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿರುವ ನೆಟ್ಟಿಗರು ನಮ್ಮ ಕನ್ನಡತಿ ನಮ್ಮ ಕನ್ನಡ ಸಿನಿಮಾದಲ್ಲಿ ನಟಿಸುತ್ತಿರುವುದು ನಮ್ಮ ಹೆಮ್ಮೆ ಎಂದಿದ್ದಾರೆ.
ಈ ಸಿನಿಮಾದಲ್ಲಿ ಶಿಲ್ಪಾ ಸತ್ಯವತಿ ಎನ್ನುವ ಪಾತ್ರ ಮಾಡುತ್ತಿದ್ದಾರೆ. ಸೀರೆ, ಮಾಂಗಲ್ಯ ತೊಟ್ಟುಕೊಂಡು ಲಘುವಾದ ಮೇಕಪ್ ಮಾಡಿಕೊಂಡು ಶಿಲ್ಪಾ ಕೊನೆಯ ದಿನದ ಶೂಟಿಂಗ್ ನಲ್ಲಿ ಭಾಗಿಯಾಗಿದ್ದಾರೆ.
ಚಿತ್ರೀಕರಣದಲ್ಲಿ ಅವರು ಚಿತ್ರತಂಡದವರೊಂದಿಗೆ ತಾವೊಬ್ಬ ಬಾಲಿವುಡ್ ನಟಿ ಎಂಬ ಸ್ವಲ್ಪವೂ ಹಮ್ಮು ಬಿಮ್ಮುಗಳಿಲ್ಲದೇ ಆರಾಮವಾಗಿ ಬೆರೆತಿದ್ದಾರೆ. ಚಿತ್ರೀಕರಣ ಪೂರ್ತಿಯಾದ ಬಳಿಕ ಧನ್ಯವಾದ ಸಲ್ಲಿಸಿದ ನಿರ್ದೇಶಕ ಪ್ರೇಮ್ ಕುತ್ತಿಗೆಗೆ ಶಾಲು ಸುತ್ತಿ ನಾನು ಸತ್ಯವತಿ ಎಂದು ಜೋರಾಗಿ ಕೂಗಿ ಫನ್ ಮಾಡಿದ್ದಾರೆ. ಇವರ ತುಂಟಾಟದ ವಿಡಿಯೋವನ್ನು ನೆಟ್ಟಿಗರು ಮೆಚ್ಚಿಕೊಂಡಿದ್ದಾರೆ.
