ಬೆಂಗಳೂರು: ಕ್ರಿಯಾತ್ಮಕ ನಿರ್ದೇಶಕ, ನಟ ರಿಷಬ್ ಶೆಟ್ಟಿ ಈಗ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಜೊತೆ ಸಿನಿಮಾ ಮಾಡಲು ಹೊರಟಿದ್ದಾರೆ.
ಶಿವಣ್ಣ ಅಭಿನಯದ 124 ನೇ ಸಿನಿಮಾ ‘ನೀ ಸಿಗೋವರೆಗೂ’ ಮುಹೂರ್ತ ಕಾರ್ಯಕ್ರಮದಲ್ಲೇ ರಿಷಬ್ ಈ ಬಗ್ಗೆ ಅವರೊಂದಿಗೆ ಮಾತುಕತೆ ನಡೆಸಿದ್ದರು. ಅದೀಗ ಪಕ್ಕಾ ಆಗಿದೆ.
ಜಯಣ್ಣ-ರಿಷಬ್ ಕಾಂಬಿನೇಷನ್ ನಲ್ಲಿ ಶಿವರಾಜ್ ಕುಮಾರ್ ಹೊಸ ಸಿನಿಮಾಕ್ಕೆ ಅಂಕಿತ ಹಾಕಿರುವುದು ಪಕ್ಕಾ ಆಗಿದೆ. ಅವರ ಜೊತೆಗೆ ಹೊಸ ಹೆಜ್ಜೆ ಹಾಕುವ ಬಗ್ಗೆ ಉತ್ಸುಕನಾಗಿದ್ದೇನೆ ಎಂದು ರಿಷಬ್ ಹೇಳಿಕೊಂಡಿದ್ದಾರೆ. ಇದು ಶಿವಣ್ಣ ಅಭಿನಯದ 126 ನೇ ಸಿನಿಮಾಗಲಿದೆ.
