ಬೆಂಗಳೂರು: ಲಾಕ್ ಡೌನ್ ವೇಳೆ ತಮ್ಮದೇ ಸೀಮಿತ ಚಿತ್ರತಂಡವನ್ನು ಕಟ್ಟಿಕೊಂಡು ಯಶಸ್ವಿಯಾಗಿ ಹೊಸ ಸಿನಿಮಾವೊಂದರ ಶೂಟಿಂಗ್ ಮಾಡಿ ಮುಗಿಸಿರುವ ರಿಷಬ್ ಶೆಟ್ಟಿ ಅದರ ಟೈಟಲ್, ಫಸ್ಟ್ ಲುಕ್ ಇಂದು ಲಾಂಚ್ ಮಾಡುತ್ತಿದ್ದಾರೆ.
ಕ್ರಿಯೇಟಿವ್ ನಿರ್ದೇಶಕ ರಿಷಬ್ ಸಿನಿಮಾ ಎಂದರೆ ಅಲ್ಲಿ ಭರಪೂರ ಮನರಂಜನೆ ಗ್ಯಾರಂಟಿ. ಈ ಸಿನಿಮಾದ ಮೇಕಿಂಗ್ ನ ದೃಶ್ಯವೊಂದನ್ನು ರಿಷಬ್ ಸಾಮಾಜಿಕ ಜಾಲತಾಣದಲ್ಲಿ ಹರಿಯಬಿಟ್ಟಿದ್ದಾರೆ. ಇದನ್ನು ನೋಡುತ್ತಿದ್ದರೇ ವೀಕ್ಷಕರ ಮುಖದಲ್ಲಿ ನಗು ಮೂಡುತ್ತದೆ. ಹೀಗಾಗಿ ಈ ಸಿನಿಮಾ ಭರ್ಜರಿ ಕಾಮಿಡಿ ಎಂಟರ್ ಟೈನರ್ ಆಗಿರುತ್ತದೆ ಎನ್ನುವುದು ಪ್ರೇಕ್ಷಕರ ಅಭಿಪ್ರಾಯ. ಇಂದು ಸಂಜೆ 6 ಗಂಟೆಗೆ ರಿಷಬ್ ಸಿನಿಮಾದ ಟೈಟಲ್ ಅನಾವರಣಗೊಳ್ಳಲಿದೆ.
