ಹೈದರಾಬಾದ್: ಅಲ್ಲು ಅರ್ಜುನ್ ನಾಯಕರಾಗಿರುವ ಪುಷ್ಪ 2 ಸಿನಿಮಾ ಶೂಟಿಂಗ್ ಇನ್ನೇನು ಆರಂಭವಾಗಲಿದೆ. ಆಗಲೇ ಸಿನಿಮಾದ ಕತೆ ಲೀಕ್ ಆಗಿದೆ.
ಪುಷ್ಪ 1 ನೇ ಭಾಗದಲ್ಲಿ ರಶ್ಮಿಕಾ ಮಂದಣ್ಣ ಪಾತ್ರಕ್ಕೂ ಪ್ರಾಮುಖ್ಯತೆಯಿತ್ತು. ಆದರೆ ಎರಡನೇ ಭಾಗದಲ್ಲಿ ರಶ್ಮಿಕಾ ಮೊದಲಾರ್ಧದಲ್ಲೇ ಪ್ರಾಣ ಕಳೆದುಕೊಳ್ಳುತ್ತಾರೆ. ಆ ಮೂಲಕ ರಶ್ಮಿಕಾ ಪಾತ್ರ ಆರಂಭದಲ್ಲೇ ಕೊನೆಯಾಗುತ್ತದೆ ಎಂಬ ಸುದ್ದಿ ಹರಿದಾಡುತ್ತಿದೆ. ಭನ್ವರ್ ಸಿಂಗ್ ಶೆಖಾವತ್ ಪಾತ್ರಧಾರಿ ಫವಾದ್ ಫಾಸಿಲ್ ಶ್ರೀವಲ್ಲಿಯನ್ನು ಆರಂಭದಲ್ಲೇ ಕೊಲೆ ಮಾಡುತ್ತಾನೆ. ಇದಾದ ಮೇಲೆ ಇಡೀ ಸಿನಿಮಾದಲ್ಲಿ ಪುಷ್ಪ ಮತ್ತು ಭನ್ವರ್ ನಡುವೆ ಹಗೆ ಸಾಧಿಸುವ ಕತೆಯಿದೆ ಎನ್ನಲಾಗಿದೆ.
ಇದು ರಶ್ಮಿಕಾ ಫ್ಯಾನ್ಸ್ ಗೆ ನಿಜಕ್ಕೂ ಬೇಸರದ ಸಂಗತಿ. ಪುಷ್ಪ ಮೊದಲ ಭಾಗದಲ್ಲಿ ಶ್ರೀವಲ್ಲಿಯಾಗಿ ಮಿಂಚಿದ್ದ ರಶ್ಮಿಕಾ ಹಾಡಿನ ಮೂಲಕವೂ ಎಲ್ಲರಿಗೆ ಮೋಡಿ ಮಾಡಿದ್ದರು. ಆದರೆ ಎರಡನೇ ಭಾಗದಲ್ಲಿ ರಶ್ಮಿಕಾ ಇಲ್ಲದೇ ರೊಮ್ಯಾಂಟಿಕ್ ದೃಶ್ಯಗಳು ಇರಲ್ಲ.
