ಬೆಂಗಳೂರು: ಜೈಲಿನಿಂದ ಬಿಡುಗಡೆಯಾದ ಬಳಿಕ ಇದೇ ಮೊದಲ ಬಾರಿಗೆ ಇನ್ ಸ್ಟಾಗ್ರಾಂನಲ್ಲಿ ಲೈವ್ ಬಂದ ನಟಿ ರಾಗಿಣಿ ದ್ವಿವೇದಿ ತಮ್ಮ ಕಷ್ಟದ ದಿನಗಳನ್ನು ನೆನೆಸಿ ಕಣ್ಣೀರು ಹಾಕಿದ್ದಾರೆ.
ಲೈವ್ ನಲ್ಲಿ ಮಾತನಾಡುತ್ತಾ ಕಣ್ಣೀರು ಹಾಕಿದ ರಾಗಿಣಿ ಆ ದಿನಗಳಲ್ಲಿ ನನಗೆ ನಿದ್ರೆಯೇ ಬರ್ತಿರಲಿಲ್ಲ. ಆ ದಿನಗಳು ಹೇಗಿತ್ತು ಎಂದು ಹೇಳಕ್ಕೂ ಆಗಲ್ಲ. ಆದರೆ ಏನೇ ಇದ್ದರೂ ನನ್ನ ಕುಟುಂಬದ ಬೆಂಬಲ ನನಗಿತ್ತು ಎಂದು ರಾಗಿಣಿ ಅಳುತ್ತಲೇ ಹೇಳಿಕೊಂಡಿದ್ದಾರೆ. ನನ್ನ ಪೋಷಕರು ಯಾರೂ ಎದುರಿಸಬಾರದ ನೋವು ಅನುಭವಿಸಿದರು. ಈ ಘಟನೆ ಬಳಿಕ ನಾನು ಮತ್ತಷ್ಟು ಗಟ್ಟಿಯಾಗಿದ್ದೇನೆ ಎಂದಿದ್ದಾರೆ.
