ಹೈದರಾಬಾದ್: ಬಾಹುಬಲಿ ಸಿನಿಮಾ ಬಳಿಕ ಪ್ರಭಾಸ್ ಗೆ ಸಾಹೋ ಸಿನಿಮಾ ಕೈ ಹಿಡಿಯಲಿಲ್ಲ. ಆದರೆ ಈಗ ರಾಧೇ ಶ್ಯಾಮ್ ಮೇಲೆ ಭಾರೀ ನಿರೀಕ್ಷೆಯಿಟ್ಟುಕೊಂಡಿದ್ದರು. ಆದರೆ ಈಗ ಆ ಸಿನಿಮಾವೂ ನಿರೀಕ್ಷಿಸಿದ ಮಟ್ಟಿಗೆ ಯಶಸ್ಸು ಕಾಣಲ್ಲ ಎನ್ನಲಾಗುತ್ತಿದೆ.
ಕಾರಣ ಸಿನಿಮಾ ಕತೆ. ಈ ಮೊದಲು ತೆಲುಗಿನಲ್ಲಿ ಮಹೇಶ್ ಬಾಬು ಅಭಿನಯದಲ್ಲಿ ಮುರಾರಿ ಎನ್ನುವ ಸಿನಿಮಾ ಬಂದಿತ್ತು. ಅದೇ ಸಿನಿಮಾದ ಎಳೆಯಿಟ್ಟುಕೊಂಡು ರಾಧೇ ಶ್ಯಾಮ್ ಕತೆ ಹೆಣೆಯಲಾಗಿದೆ. ಇದು ಬೋರಿಂಗ್ ಆಗಿದೆ ಎಂದು ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಕಾಮೆಂಟ್ ಮಾಡುತ್ತಿದ್ದಾರೆ.
ಈ ಸಿನಿಮಾಗೆ 300 ಕೋಟಿ ಬಜೆಟ್ ಆಗಿತ್ತು. ಆದರೆ ಈಗ ಪ್ರೇಕ್ಷಕರ ಪ್ರತಿಕ್ರಿಯೆ ನೋಡಿದರೆ ಈ ಸಿನಿಮಾ ಅಷ್ಟು ಗಳಿಕೆ ಮಾಡುವುದು ಅನುಮಾನ ಎನ್ನಲಾಗುತ್ತಿದೆ.
