ಬೆಂಗಳೂರು: ರಕ್ಷಿತ್ ಶೆಟ್ಟಿ ನಿರ್ಮಾಣದ ಬ್ಯಾಚುಲರ್ ಪಾರ್ಟಿ ಸಿನಿಮಾ ಕೆಲವು ದಿನಗಳ ಮೊದಲು ಘೋಷಣೆಯಾಗಿತ್ತು. ಈ ಸಿನಿಮಾದಿಂದ ರಿಷಬ್ ಶೆಟ್ಟಿ ಹೊರಬಂದಿದ್ದೂ ಸುದ್ದಿಯಾಗಿತ್ತು.
ಪರಂವಾ ನಿರ್ಮಾಣದ ಕಾಮಿಡಿ ಎಂಟರ್ ಟೈನರ್ ಬ್ಯಾಚುಲರ್ ಪಾರ್ಟಿ ಸಿನಿಮಾದಲ್ಲಿ ದಿಗಂತ್, ಅಚ್ಯುತ್ ಕುಮಾರ್ ಜೊತೆಗೆ ರಿಷಬ್ ಶೆಟ್ಟಿ ಪ್ರಮುಖ ಪಾತ್ರ ಮಾಡಬೇಕಿತ್ತು. ಆದರೆ ಕಾಂತಾರ ಹಿಟ್ ಆದ ಮೇಲೆ ರಿಷಬ್ ಇಮೇಜ್ ಬದಲಾಗಿದೆ. ಹೀಗಾಗಿ ಅವರಿಗೆ ಇದು ಸೂಕ್ತವಲ್ಲ ಎನ್ನುವ ಕಾರಣಕ್ಕೆ ಸಿನಿಮಾದಿಂದ ಹೊರಬಂದಿದ್ದರು.
ಇದೀಗ ರಿಷಬ್ ಸ್ಥಾನಕ್ಕೆ ಕನ್ನಡದ ಪ್ರತಿಭಾವಂತ ನಟ ಲೂಸ್ ಮಾದ ಯೋಗಿ ಅವರನ್ನು ಆಯ್ಕೆ ಮಾಡಲಾಗಿದೆ ಎಂಬ ಸುದ್ದಿ ಕೇಳಿಬರುತ್ತಿದೆ. ಈ ಬಗ್ಗೆ ಚಿತ್ರತಂಡ ಅಧಿಕೃತ ಪ್ರಕಟಣೆ ನೀಡಬೇಕಿದೆಯಷ್ಟೇ.
