ಬೆಂಗಳೂರು: ಹೊಂಬಾಳೆ ಫಿಲಂಸ್ ನಿರ್ಮಾಣದ ರಿಷಬ್ ಶೆಟ್ಟಿಯವರ ಕಾಂತಾರ ಸಿನಿಮಾ ಥಿಯೇಟರ್ ನಲ್ಲಿ ಧೂಳೆಬ್ಬಿಸಿದ ಬಳಿಕ ಈಗ ಒಟಿಟಿಯಲ್ಲಿ ರಿಲೀಸ್ ಆಗಿದೆ.
ಅಮೆಝೋನ್ ಪ್ರೈಮ್ ನಲ್ಲಿ ನಿನ್ನೆಯಿಂದ ಕಾಂತಾರ ನಾಲ್ಕು ಭಾಷೆಗಳಲ್ಲಿ ಪ್ರಸಾರವಾಗುತ್ತಿದೆ. ಥಿಯೇಟರ್ ನಲ್ಲಿ ಮಾಡಿದ್ದ ಮೋಡಿ ಒಟಿಟಿಯಲ್ಲೂ ಕಾಂತಾರ ಮುಂದುವರಿಸಿದೆ.
ಬಿಡುಗಡೆಯಾದ ಕೆಲವೇ ಕ್ಷಣಗಳಲ್ಲಿ ಕಾಂತಾರ ಟ್ರೆಂಡಿಂಗ್ ನಲ್ಲಿದೆ. ಸೋಷಿಯಲ್ ಮೀಡಿಯಾದಲ್ಲೂ ಕಾಂತಾರ ಮತ್ತೆ ಟ್ರೆಂಡ್ ಆಗಿದೆ. ಆದರೆ ವರಾಹರೂಪಂ ಹಾಡಿನ ಮೂಲ ರೂಪವಿಲ್ಲದೇ ಚಿತ್ರ ಪ್ರಸಾರವಾಗುತ್ತಿರುವುದು ಅಭಿಮಾನಿಗಳ ಬೇಸರಕ್ಕೆ ಕಾರಣವಾಗಿದೆ. ಹೀಗಾಗಿ ಟ್ವಿಟರ್ ನಲ್ಲಿ ವರಾಹ ರೂಪಂ ಮೂಲ ಹಾಡಿನ ತುಣುಕನ್ನು ಟ್ವೀಟ್ ಮಾಡಿ ನಿಷೇಧಕ್ಕೆ ಸೆಡ್ಡು ಹೊಡೆದಿದ್ದಾರೆ.
