ಚೆನ್ನೈ: ತಮಿಳು ಸೂಪರ್ ಸ್ಟಾರ್ ಕಮಲ್ ಹಾಸನ್ ರಾಜಕೀಯ ಪಕ್ಷ ಸೇರುವುದಾಗಿ ಈ ಮೊದಲೇ ಹೇಳಿಕೊಂಡು ಬಂದಿದ್ದಾರೆ. ಅದೀಗ ಪಕ್ಕಾ ಆಗಿದೆ. ಆದರೆ ಯಾವ ಪಕ್ಷ ಸೇರುತ್ತಾರೆ? ಇಲ್ಲಿ ನೋಡಿ.
ಕಮಲ್ ಹಾಸನ್ ತನ್ನದು ಕೆಂಪು ಬಣ್ಣ, ಕೇಸರಿ ಬಣ್ಣವಲ್ಲ ಎಂದಿದ್ದರು. ಹೀಗಾಗಿ ಅವರು ಎಡರಂಗ ಸೇರಬಹುದು ಎಂದು ಲೆಕ್ಕಾಚಾರ ಹಾಕಲಾಗಿತ್ತು. ಅದಕ್ಕೆ ಪೂರಕವಾಗಿ ಎಡರಂಗದ ನಾಯಕರನ್ನು ಭೆಟಿಯಾಗಿದ್ದರು.
ಆದರೆ ಅದೆಲ್ಲಾ ತಲೆಕೆಳಗು ಮಾಡಿ ಇದೀಗ ಸ್ವಂತ ಪಕ್ಷ ಸ್ಥಾಪಿಸುವುದಾಗಿ ಹೇಳಿಕೊಂಡಿದ್ದಾರೆ. ಹೊಸ ಪಕ್ಷ ಸ್ಥಾಪನೆಗೆ ಎಲ್ಲಾ ತಯಾರಿ ನಡೆಸುತ್ತಿದೆ. ವಿಜಯದಶಮಿ ಅಥವಾ ಗಾಂಧಿ ಜಯಂತಿ ದಿನ ಹೊಸ ಪಕ್ಷದ ಹೆಸರು ಘೋಷಣೆ ಮಾಡಬಹುದು ಎಂದು ಕಮಲ್ ಆಪ್ತರು ಹೇಳಿದ್ದಾರೆ. ಇದರೊಂದಿಗೆ ತಮಿಳುನಾಡಿನಲ್ಲಿ ಹೊಸ ಪಕ್ಷವೊಂದರ ಉದಯವಾಗಲಿದೆ.
