ಮುಂಬೈ: ಅನೇಕ ಭಾರತೀಯ ಚಿತ್ರಗಳು ಆಸ್ಕರ್ ಪ್ರಶಸ್ತಿಗಳನ್ನು ಗೆಲ್ಲಲು ಅರ್ಹವಾಗಿದ್ದವು ಆದರೆ ಪದೇ ಪದೇ ಕಡೆಗಣಿಸಲ್ಪಟ್ಟವು ಎಂದು ನಟಿ ದೀಪಿಕಾ ಪಡುಕೋಣೆ ಬೇಸರ ವ್ಯಕ್ತಪಡಿಸಿದ್ದಾರೆ.
ಪ್ಯಾರಿಸ್‌ನಲ್ಲಿ ಲೂಯಿ ವಿಟಾನ್ ಪ್ರದರ್ಶನಕ್ಕೆ ಸಿದ್ಧವಾಗುತ್ತಿರುವ ದೀಪಿಕಾ ಪಡುಕೋಣೆ ಅವರು, 2023 ರಲ್ಲಿ 'ನಾತು ನಾತು' ಗಾಗಿ ಆರ್ಆರ್ಆರ್ ಅತ್ಯುತ್ತಮ ಮೂಲ ಗೀತೆ ಪ್ರಶಸ್ತಿ ಕ್ಷಣವನ್ನು ಹಂಚಿಕೊಂಡು ಮಾತನಾಡಿದರು. ಈ ವಿಡಿಯೋ ತುಣುಕನ್ನು ನಟಿ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
ಶ್ರೀಮಂತ ಸಿನಿಮೀಯ ಪರಂಪರೆ ಮತ್ತು ಅಪಾರ ಪ್ರತಿಭೆಯ ಹೊರತಾಗಿಯೂ ಭಾರತದಿಂದ ಹಲವು ಬಾರೀ "ಆಸ್ಕರ್‌ನಿಂದ ದೋಚಲ್ಪಟ್ಟಿದೆ" ಎಂದು ಹೇಳುವ ಮೂಲಕ ನಟಿ ತಮ್ಮ ನಿರಾಶೆಯನ್ನು ವ್ಯಕ್ತಪಡಿಸಿದರು.
ಭಾರತವನ್ನು ಹಲವು ಬಾರಿ ಆಸ್ಕರ್‌ನಿಂದ ದೋಚಲಾಗಿದೆ. ಆಸ್ಕರ್ ಪಡೆಯುವ ಅನೇಕ, ಅನೇಕ ಅರ್ಹ ಚಲನಚಿತ್ರಗಳಿದೆ ಎಂದು ನಾನು ಭಾವಿಸುತ್ತೇನೆ ಆದರೆ ನಿರ್ಲಕ್ಷಿಸಲಾಗಿದೆ. 2023ರಲ್ಲಿ ಆರ್ಆರ್ಆರ್ ಸಿನಿಮಾಗೆ ಆಸ್ಕರ್ ಪ್ರಶಸ್ತಿ ಘೋಷಿಸಿದಾಗ ನನಗೆ ಆ ಸಿನಿಮಾದ ಜತೆ ಯಾವುದೇ ಸಂಬಂಧವಿಲ್ಲದಿದ್ದರು ಅದೊಂದು ನನಗೆ ದೊಡ್ಡ ಕ್ಷಣವಾಗಿತ್ತು ಎಂದು ಹೇಳಿದ್ದಾರೆ.
'ಚೆನ್ನೈ ಎಕ್ಸ್‌ಪ್ರೆಸ್' ನಟಿ ಈ ವರ್ಷದ ಆಸ್ಕರ್ ಪ್ರಶಸ್ತಿಗಳ ಬಗ್ಗೆಯೂ ಮಾತನಾಡುತ್ತಾ, 'ದಿ ಬ್ರೂಟಲಿಸ್ಟ್' ಚಿತ್ರಕ್ಕಾಗಿ ಆಡ್ರಿಯನ್ ಬ್ರಾಡಿ ಅವರ ಅತ್ಯುತ್ತಮ ನಟ ಪ್ರಶಸ್ತಿ ತನಗೆ ತುಂಬಾ ಸಂತೋಷ ತಂದಿದೆ ಎಂದು ಹೇಳಿದರು.
ಅವರು ಮಾತನಾಡುತ್ತಿದ್ದಂತೆ, 'ಆಲ್ ವೀ ಇಮ್ಯಾಜಿನ್ ಆಸ್ ಲೈಟ್', 'ಲಾಪತಾ ಲೇಡೀಸ್', 'ತುಂಬದ್' ಮತ್ತು 'ದಿ ಲಂಚ್‌ಬಾಕ್ಸ್' ಸೇರಿದಂತೆ ವಿಮರ್ಶಾತ್ಮಕವಾಗಿ ಮೆಚ್ಚುಗೆ ಪಡೆದ ಭಾರತೀಯ ಚಲನಚಿತ್ರಗಳ ತುಣುಕುಗಳನ್ನು ವೀಡಿಯೊದಲ್ಲಿ ತೋರಿಸಲಾಗಿದೆ. ವಿಶ್ವಾದ್ಯಂತ ಪ್ರಶಂಸೆ ಪಡೆದ ಈ ಚಿತ್ರಗಳು ಆಸ್ಕರ್‌ಗೆ ನಾಮನಿರ್ದೇಶನಗೊಳ್ಳಲಿಲ್ಲ.
