ಬೆಂಗಳೂರು: ಸ್ಯಾಂಡಲ್ ವುಡ್ ನ ಸೂಪರ್ ಜೋಡಿ ಐಂದ್ರಿತಾ ರೇ ಮತ್ತು ದಿಗಂತ್ ಮೊನ್ನೆಯಷ್ಟೇ ವಿವಾಹ ಜೀವನಕ್ಕೆ ಕಾಲಿಟ್ಟಿದ್ದಾರೆ. ವಿವಾಹದ ಬಳಿಕ ಮೊದಲ ಬಾರಿಗೆ ಸುದ್ದಿಗೋಷ್ಠಿ ನಡೆಸಿದ ಈ ಜೋಡಿ ತಾವಿಬ್ಬರೂ ಲವ್ ಮಾಡಿದ್ದು ಹೇಗೆ ಎಂದು ಬಿಚ್ಚಿಟ್ಟಿದ್ದಾರೆ.
ಮನಸಾರೆ ಸಿನಿಮಾದಲ್ಲಿ ಈ ಜೋಡಿ ಜತೆಯಾಗಿ ನಟಿಸಿತ್ತು. ಅದೇ ಸಂದರ್ಭದಲ್ಲಿ ತಮ್ಮಿಬ್ಬರ ನಡುವೆ ಪ್ರೇಮಾಂಕುರವಾಯಿತು ಎಂಬುದನ್ನು ಇದೀಗ ದಿಗಂತ್ ಒಪ್ಪಿಕೊಂಡಿದ್ದಾರೆ. ಅಲ್ಲದೆ, ಆ ಸಂದರ್ಭದಲ್ಲಿಯೇ ತಾನು ಪ್ರಪೋಸ್ ಮಾಡಿದ್ದಾಗಿ ಹೇಳಿಕೊಂಡಿದ್ದಾರೆ.
‘ಮನಸಾರೆ ಶೂಟಿಂಗ್ ಎಲ್ಲಾ ಮುಗಿದ ಮೇಲೆ ನಾವೆಲ್ಲಾ ಒಂದು ಟ್ರಿಪ್ ಹೋಗಿದ್ದೆವು. ಆಗ ನಾನು ಐಂದ್ರಿತಾಗೆ ಒಂದು ಚಿಕ್ಕ ರಿಂಗ್ ಕೊಟ್ಟಿದ್ದೆ. ಹಾಗೇ ನಾವು ಮೊದಲ ಬಾರಿಗೆ ನಮ್ಮ ಪ್ರೀತಿ ಹಂಚಿಕೊಂಡಿದ್ದೆವು. ಆದರೆ ಆಗಿನಿಂದಲೂ ನಾವು ಒಳ್ಳೆಯ ಫ್ರೆಂಡ್ಸ್ ಎಂದು ಹೇಳುತ್ತಲೇ ಇದ್ದೆವು. ನಮ್ಮ ಪ್ರಕಾರ ಒಳ್ಳೆ ಫ್ರೆಂಡ್ಸ್ ಆದರಷ್ಟೇ ಒಳ್ಳೆಯ ಪ್ರೇಮಿಗಳಾಗಲು ಸಾಧ್ಯ. ಹಾಗಾಗಿ ನಾವು ಅಂದಿನಿಂದಲೂ ನಮ್ಮ ಸಂಬಂಧದ ಬಗ್ಗೆ ಸುಳ್ಳು ಹೇಳಿಲ್ಲ’ ಎಂದು ದಿಗಂತ್ ಹೇಳಿಕೊಂಡಿದ್ದಾರೆ. ಇಂದು ಬೆಂಗಳೂರಿನ ಖಾಸಗಿ ಹೋಟೆಲ್ ನಲ್ಲಿ ಈ ಜೋಡಿ ಚಿತ್ರರಂಗದ ಗಣ್ಯರಿಗಾಗಿ ಆರತಕ್ಷತೆ ಏರ್ಪಡಿಸಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ
