ಬೆಂಗಳೂರು: 100 ನೇ ಸಿನಿಮಾಗೆ ಸಂಗೀತ ನೀಡುತ್ತಿರುವ ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯಾಗೆ ಹಲವರು ಶುಭ ಹಾರೈಸುತ್ತಿದ್ದಾರೆ.
ಹಾಗೆ ಇತ್ತೀಚೆಗೆ ಶುಭ ಹಾರೈಸಿದವರಲ್ಲಿ ಕಿಚ್ಚ ಸುದೀಪ್ ಕೂಡಾ ಒಬ್ಬರು. ಕಿಚ್ಚ ತಮ್ಮ ಟ್ವೀಟ್ ನಲ್ಲಿ ಅರ್ಜುನ್ ನೀನೊಬ್ಬ ಉತ್ತಮ ವ್ಯಕ್ತಿ ಕೂಡಾ. ನಿನ್ನ ಪ್ರತೀ ಯಶಸ್ಸಿಗೂ ನೀನು ಹಕ್ಕುದಾರ ಎಂದು ಬರೆದಿದ್ದರು.
ಹೇಳಿ ಕೇಳಿ ಕಿಚ್ಚ ಸುದೀಪ್ ರಿಂದಾಗಿಯೇ ಅರ್ಜುನ್ ‘ಜನ್ಯಾ’ ಹೆಸರು ಪಡೆದಿದ್ದು. ಜತೆಗೆ ಕೆಂಪೇಗೌಡ ಚಿತ್ರಕ್ಕೆ ಕಿಚ್ಚ ಸುದೀಪ್ ನಿಂದಾಗಿಯೇ ಅರ್ಜುನ್ ಜನ್ಯಾಗೆ ಅವಕಾಶ ಸಿಕ್ಕಿದ್ದು. ಹೀಗಾಗಿ ತಮ್ಮ ಪ್ರತಿ ಹಂತದಲ್ಲೂ ಸುದೀಪ್ ರನ್ನು ಅರ್ಜುನ್ ಧನ್ಯತೆಯಿಂದಲೇ ನೆನಪಿಸಿಕೊಳ್ಳುತ್ತಾರೆ.
ಇದೀಗ ಕಿಚ್ಚನ ಟ್ವೀಟ್ ನೋಡಿ ಖುಷ್ ಆಗಿರುವ ಅರ್ಜುನ್ ಹೃದಯ ತುಂಬಿ ಬಂದಿದ್ದು, ನಿಮ್ಮಿಂದಲೇ ನಾನು ನಾನಾಗಿದ್ದು. ನೀವೇ ನನಗೆಲ್ಲಾ ನಿಮ್ಮ ಬೆಂಬಲವಿಲ್ಲದೇ ನಾನು ಏನೂ ಅಲ್ಲ. ನೀವೇ ನನಗೆ ರಿಯಲ್ ಗಾಡ್ ಫಾದರ್, ನನ್ನ ಮೆಂಟರ್. ನನ್ನ ಈ ಕಿರು ಯಶಸ್ಸನ್ನು ನಿಮಗೆ ಅರ್ಪಿಸುತ್ತಿದ್ದೇನೆ ಎಂದು ಧನ್ಯತಾ ಭಾವದಿಂದ ಹೇಳಿಕೊಂಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ
