ಪುಷ್ಪ 3 ನೇ ಪಾರ್ಟ್ ಬರಲಿದೆ ಎಂದ ನಟ ಫಹಾದ್ ಫಾಸಿಲ್

ಹೈದರಾಬಾದ್: ಅಲ್ಲು ಅರ್ಜುನ್ ನಾಯಕರಾಗಿರುವ ಪುಷ್ಪ ಸಿನಿಮಾ ಒಂದನೇ ಭಾಗ ಬಿಡುಗಡೆಯಾಗಿದ್ದು, ಎರಡನೇ ಭಾಗದ ಚಿತ್ರೀಕರಣ ಕೆಲವೇ ದಿನಗಳಲ್ಲಿ ಆರಂಭವಾಗಲಿದೆ.

ಪುಷ್ಪ 2 ಸಿನಿಮಾ ಆರಂಭಕ್ಕೂ ಮುನ್ನ ಚಿತ್ರದಲ್ಲಿ ಪ್ರಮುಖ ಪಾತ್ರವಹಿಸಿರುವ ಫಹಾದ್ ಫಾಸಿಲ್ ಮಹತ್ವದ ಹೇಳಿಕೆಯೊಂದನ್ನು ನೀಡಿದ್ದಾರೆ.

ಪುಷ್ಪ ಸಿನಿಮಾ ಮೂರನೇ ಭಾಗವೂ ಬರಲಿದೆ. ಪುಷ್ಪ ಮೊದಲು ಒಂದೇ ಭಾಗವಾಗಿ ಮಾಡಲು ನಿರ್ದೇಶಕರು ತೀರ್ಮಾನಿಸಿದ್ದರು. ಬಳಿಕ ಅದು ಎರಡು ಭಾಗವಾಯಿತು. ಇದೀಗ ನಿರ್ದೇಶಕ ಸುಕುಮಾರ್ ಮೂರನೇ ಭಾಗಕ್ಕೂ ಸಿದ್ಧರಾಗಿರಲು ಸೂಚಿಸಿದ್ದಾರೆ. ಯಾಕೆಂದರೆ ಮೂರನೇ ಭಾಗಕ್ಕೂ ಅವರ ಬಳಿ ಕತೆಯಿದೆ’ ಎಂದಿದ್ದಾರೆ ಫಹಾದ್.