ಬೆಂಗಳೂರು: ಬಿಗ್ ಬಾಸ್ ನಿಂದ ಹೊರಬಂದ ಮೇಲೆ ಚಂದನ್ ಆಚಾರ್ ಹೊಸ ಸಿನಿಮಾ ಮೂಲಕ ಜನರ ಎದುರು ಬರುತ್ತಿದ್ದಾರೆ. ಅದುವೇ ‘ಮಂಗಳವಾರ ರಜಾ ದಿನ’ ಎಂಬ ಎಂಟರ್ ಟೈನ್ ಮೆಂಟ್ ಸಿನಿಮಾ.
ಈ ಸಿನಿಮಾದಲ್ಲಿ ಚಂದನ್ ನಾಯಕರಾಗಿದ್ದು, ಜಹಂಗೀರ್, ರಜನೀಕಾಂತ್, ಗೋಪಾಲಕೃಷ್ಣ ದೇಶಪಾಂಡೆ ಮತ್ತಿತರರು ನಟಿಸಿದ್ದಾರೆ. ಈ ಸಿನಿಮಾದ ಟ್ರೈಲರ್ ಬಿಡುಗಡೆಯಾಗಿದ್ದು, ಟ್ರೈಲರ್ ನುದ್ದಕ್ಕೂ ಕಿಚ್ಚ ಸುದೀಪ್ ಬಂದು ಹೋಗುತ್ತಾರೆ.
ಸಲೂನ್ ಇಟ್ಟುಕೊಂಡಿರುವ ನಾಯಕನಿಗೆ ಒಂದಲ್ಲಾ ಒಂದು ದಿನ ಕಿಚ್ಚ ಸುದೀಪ್ ಗೆ ಹೇರ್ ಸ್ಟೈಲ್ ಮಾಡಬೇಕೆಂಬ ಆಸೆ ಎಂಬುದು ಈ ಟ್ರೈಲರ್ ನಲ್ಲಿ ಗೊತ್ತಾಗುತ್ತದೆ. ಟ್ರೈಲರ್ ನೋಡಿದ ಕಿಚ್ಚ ಸುದೀಪ್ ಭಾರೀ ಇಷ್ಟಪಟ್ಟಿದ್ದು, ನನ್ನನ್ನೂ ಈ ಸಿನಿಮಾದ ಭಾಗವಾಗಿಸಿದ್ದಕ್ಕೆ ಧನ್ಯವಾದ ಎಂದಿದ್ದಾರೆ. ಈ ಚಿತ್ರ ಈ ತಿಂಗಳ ಅಂತ್ಯಕ್ಕೆ ತೆರೆ ಕಾಣುವ ಸಾಧ‍್ಯತೆಯಿದೆ.
