Publish Date: Thu, 07 Oct 2021 (17:20 IST)
Updated Date: Thu, 07 Oct 2021 (17:22 IST)
ದುಬೈ: ಐಪಿಎಲ್ 14 ರ ಇಂದಿನ ಮೊದಲ ಪಂದ್ಯದಲ್ಲಿ ಕಿಂಗ್ಸ್ ಪಂಜಾಬ್ ವಿರುದ್ಧದ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಗೆಲುವಿಗೆ 135 ರನ್ ಗಳ ಸಾಧಾರಣ ಗುರಿ ನೀಡಿದೆ.
ಟಾಸ್ ಗೆದ್ದ ಪಂಜಾಬ್ ಫೀಲ್ಡಿಂಗ್ ಆಯ್ದುಕೊಂಡಿತು. ಅದಕ್ಕೆ ತಕ್ಕಂತೇ ಬೌಲರ್ ಗಳು ನಿಯಮಿತವಾಗಿ ವಿಕೆಟ್ ಕೀಳುತ್ತಾ ಚೆನ್ನೈ ರನ್ ಗೆ ಕಡಿವಾಣ ಹಾಕಿದರು. ಆರಂಭಿಕ ಫಾ ಡು ಪ್ಲೆಸಿಸ್ 76 ರನ್ ಗಳಿಸಿದ್ದು ಬಿಟ್ಟರೆ ಉಳಿದವರಿಂದ ಹೇಳಿಕೊಳ್ಳುವ ರನ್ ಬರಲಿಲ್ಲ.
ಧೋನಿ 12 ರನ್ ಗಳಿಗೆ ಔಟಾದರೆ, ರೈನಾ ಬದಲಿಗೆ ಅವಕಾಶ ಪಡೆದಿರುವ ರಾಬಿನ್ ಉತ್ತಪ್ಪರದ್ದು ಕೇವಲ 2 ರನ್ ಗಳ ಕೊಡುಗೆ. ಪಂಜಾಬ್ ಪರ ಅರ್ಶ್ ದೀಪ್ ಸಿಂಗ್, ಕ್ರಿಸ್ ಜೊರ್ಡಾನ್ ತಲಾ 2, ಮೊಹಮ್ಮದ್ ಶಮಿ, ರವಿ ಬಿಷ್ಣೋಯ್ ತಲಾ 1 ವಿಕೆಟ್ ಕಬಳಿಸಿದರು. ಅಂತಿಮವಾಗಿ ಚೆನ್ನೈ 20 ಓವರ್ ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 134 ರನ್ ಗಳಿಸಲಷ್ಟೇ ಶಕ್ತವಾಯಿತು.