ಚೆನ್ನೈ: ಚೆನ್ನೈ ಸೂಪರ್ ಕಿಂಗ್ಸ್ ನಾಯಕ ಧೋನಿಗೆ ಅಭಿಮಾನಿಯೊಬ್ಬರು ಭಾವುಕ ಪತ್ರ ಬರೆದಿದ್ದು, ಇದಕ್ಕೆ ಧೋನಿ ಕೊಟ್ಟ ಉತ್ತರವನ್ನು ಸಿಎಸ್ ಕೆ ತಂಡ ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದೆ.
ಓ ಕ್ಯಾಪ್ಟನ್ ನಿಮ್ಮಂತೆ ಇನ್ನು ಯಾರೂ ಇರಲ್ಲ ಎಂದು ಪ್ರಾರಂಭವಾಗುವ ಭಾವನಾತ್ಮಕ ಪತ್ರವನ್ನು ಧೋನಿಯನ್ನು ಉದ್ದೇಶಿಸಿ ಅಭಿಮಾನಿಯೊಬ್ಬರು ಬರೆದು ಫೋಟೋ ಫ‍್ರೇಮ್ ಮಾಡಿ ಕಳುಹಿಸಿಕೊಟ್ಟಿದ್ದರು. ಈ ಪತ್ರ ಓದಿದ ಧೋನಿ ಅದರ ಮೇಲೆ ಚೆನ್ನಾಗಿ ಬರೆದಿರುವೆ ಎಂದು ಬರೆದು ಸಹಿ ಹಾಕಿದ್ದಾರೆ.
ಚೆನ್ನೈ ತಂಡ ಈ ಐಪಿಎಲ್ ಕೂಟದಿಂದ ಹೆಚ್ಚು ಕಡಿಮೆ ಹೊರಬಿದ್ದಿದೆ. ಈ ಹಿನ್ನಲೆಯಲ್ಲಿ ಧೋನಿಯನ್ನುದ್ದೇಶಿಸಿ ಪತ್ರ ಬರೆದಿದ್ದರು.
