ಪಾಕಿಸ್ತಾನ : ಪಾಕಿಸ್ತಾನದ ಪ್ರಧಾನಿ ಇಮ್ರಾನ್ ಖಾನ್ ಗಾಗಿ ಹಾವಿನ ಚರ್ಮದಿಂದ ವಿಶೇಷ ಚಪ್ಪಲಿ ತಯಾರಿಸಿದ್ದ ಪ್ರಸಿದ್ಧ ಪಾಕಿಸ್ತಾನದ ಶೂ ವ್ಯಾಪಾರಿಯೊಬ್ಬನನ್ನು ದೇಶದ ವನ್ಯಜೀವಿ ಕಾಯಿದೆಯಡಿ ಬಂಧಿಸಲಾಗಿದೆ.
ಪೇಶಾವರ ನಗರದ ಜಹಾಂಗೀರ್ ಪುರಾ ಬಜಾರ್ ನ ಪ್ರಸಿದ್ಧ ಶೂ ತಯಾರಕನಾಗಿದ್ದ ನರುದ್ಧೀನ್ ಚಾಚಾ ಈದ್ ಸಂದರ್ಭದಲ್ಲಿ ಪ್ರಧಾನ ಮಂತ್ರಿಗೆ ಉಡುಗೊರೆ ರೂಪದಲ್ಲಿ ನೀಡಲು ಹಾವಿನ ಚರ್ಮದಿಂದ ಚಪ್ಪಲಿ ಸಿದ್ಧಪಡಿಸಿದ್ದು, ಇದಕ್ಕೆ ಕಪ್ತಾನ್ ಸ್ಪೆಶಲ್ ಚಪ್ಪಲಿ ಎಂದು ಹೆಸರಿಡಲಾಗಿತ್ತು ಇದರ ಬೆಲೆ 40 ಸಾವಿರ ರೂಪಾಯಿಯಂತೆ.
ಈ ವಿಚಾರ ತಿಳಿದ ಪೊಲೀಸರು ಗ್ರಾಹಕರ ವೇಷದಲ್ಲಿ ನರುದ್ಧೀನ್ ಚಾಚಾನ ಅಂಗಡಿಗೆ ಬಂದು ದಾಳಿ ನಡೆಸಿ ವನ್ಯಜೀವಿ ಕಾಯ್ದೆ ಉಲ್ಲಂಘನೆ ಆರೋಪದಡಿಯಲ್ಲಿ ಬಂಧಿಸಿದ್ದಾರೆ. ಈ ಚಪ್ಪಲಿಯನ್ನು ಪ್ರಯೋಗಾಲಯಕ್ಕೆ ಕಳುಹಿಸಲಾಗಿದ್ದು, ವರದಿ ಬಂದ ನಂತರ ಮುಂದಿನ ಕ್ರಮ ಕೈಗೊಳ್ಳುವುದಾಗಿ ಪೊಲೀಸರು ತಿಳಿಸಿದ್ದಾರೆ.