ಕೆಲವರಿಗೆ ಅತಿಯಾಗಿ ಸೀನು ಬರುತ್ತಿರುತ್ತದೆ. ಇದು ಒಂಥರಾ ಕಿರಿ ಕಿರಿ ಅನುಭವ ಕೊಡುತ್ತದೆ. ಅತಿಯಾಗಿ ಸೀನು ಬರುತ್ತಿದ್ದರೆ ಕಾರಣವೇನು ಮತ್ತು ಅದಕ್ಕೆ ಪರಿಹಾರವೇನು ಇಲ್ಲಿದೆ ವಿವರ.
ಸೀನುವಿಕೆಗೆ ಕಾರಣಗಳೇನು?
-ಧೂಳು, ಹೂವಿನ ಕುಸುಮ ಇತ್ಯಾದಿಗಳು ಕೆಲವರಿಗೆ ಅಲರ್ಜಿ ಉಂಟು ಮಾಡಬಹುದು. ಇದರಿಂದ ಪದೇ ಪದೇ ಸೀನುವ ಪರಿಸ್ಥಿತಿಯಾಗಬಹುದು.
-ಕೆಲವೊಂದು ವೈರಸ್ ಗಳು ಅತಿಯಾದ ಸೀನುವಿಕೆಗೆ ಕಾರಣವಾಗಬಹುದು. ಮಾಲಿನ್ಯಯುತ ಗಾಳಿಯಿದ್ದರೆ, ಹೊಗೆಯ ವಾತಾವರಣವಿದ್ದರೆ ಸೀನು ಬರಬಹುದು.
-ವಾತಾವರಣದಲ್ಲಿ ಬದಲಾವಣೆ, ಅತಿಯಾದ ಖಾರದ ಪದಾರ್ಥ ಸೇವನೆಯಿಂದಲೂ ಸೀನು ಬರುವ ಸಾಧ್ಯತೆಯಿರುತ್ತದೆ.
ಪರಿಹಾರವೇನು?
-ಸ್ವಲ್ಪ ಶುಂಠಿ ಚೂರಿಗೆ ಉಪ್ಪು ಸೇರಿಸಿಕೊಂಡು ಜಗಿಯುತ್ತಿರಬೇಕು. ಇಲ್ಲವೇ ಶುಂಠಿ ಹಾಕಿ ಕುದಿಸಿದ ನೀರನ್ನು ಪದೇ ಪದೇ ಸೇವನೆ ಮಾಡುತ್ತಿರಬೇಕು.
-ಒಂದು ಲೋಟ ಬಿಸಿ ನೀರು ಅಥವಾ ಹಾಲಿಗೆ ಸ್ವಲ್ಪ ಅರಿಶಿನ ಹಾಕಿಕೊಂಡು ಸೇವನೆ ಮಾಡಬೇಕು.
-ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಪ್ರತಿನಿತ್ಯ ಬಿಸಿ ನೀರಿಗೆ ಜೇನು ತುಪ್ಪ ಹಾಕಿಕೊಂಡು ಕುಡಿಯುವುದನ್ನು ಅಭ್ಯಾಸ ಮಾಡಿ.
-ತುಳಸಿ ಎಲೆಗಳನ್ನು ಜಜ್ಜಿ ಅದರ ಘಮ ಆಘ್ರಾಣಿಸುತ್ತಿದ್ದರೆ ಸೀನು ಕಡಿಮೆಯಾಗುತ್ತದೆ.
ನೆನಪಿರಲಿ: ಇದೆಲ್ಲವೂ ಮನೆ ಮದ್ದುಗಳಷ್ಟೇ. ಪರಿಸ್ಥಿತಿ ಕೈ ಮೀರಿದರೆ ತಜ್ಞ ವೈದ್ಯರನ್ನು ಸಂಪರ್ಕಿಸಬೇಕಾಗುತ್ತದೆ.
