ಮಹಿಳೆಯರು ಯಾಕೆ ಚಿಕ್ಕ ವಯಸ್ಸಿನ ಹುಡುಗನ ಕಡೆಗೆ ಆಕರ್ಷಿತರಾಗುತ್ತಾರೆ

Photo Credit: AI Image

ಬೆಂಗಳೂರು: ವಿವಾಹಿತೆ, ಎರಡು ಮಕ್ಕಳ ತಾಯಿ ಹರಿಣಿ ಎಂಬಾಕೆ ತನ್ನ ಪ್ರಿಯಕರನಿಂದಲೇ ಸಾವನ್ನಪ್ಪಿದ ಘಟನೆ ಪೂರ್ಣಪ್ರಜ್ಞಾ ಲೇಔಟ್ ನಲ್ಲಿ ನಡೆದಿದೆ. ಈ ಘಟನೆ ಬಳಿಕ ಎಲ್ಲರಿಗೂ ಕಾಡುವ ಪ್ರಶ್ನೆಯೆಂದರೆ ಮಹಿಳೆಯರು ಮದುವೆಯಾಗಿ ಮಕ್ಕಳಿದ್ದರೂ ತನಗಿಂತ ಕಿರಿಯ ವಯಸ್ಸಿನ ಯುವಕನ ಕಡೆಗೆ ಆಕರ್ಷಿತರಾಗುವುದು ಯಾಕೆ ಎಂದಾಗಿದೆ.

ಇಂಧೋರ್ ನಲ್ಲಿ ಈಗ ಸದ್ದು ಮಾಡುತ್ತಿರುವ ಕೊಲೆ ಪ್ರಕರಣ, ಇದಕ್ಕೆ ಮೊದಲು ಉಡುಪಿಯ ಕಾರ್ಕಳದಲ್ಲಿ ನಡೆದಿದ್ದ ಬಾಲಕೃಷ್ಣ ಪೂಜಾರಿ ಕೊಲೆ ಪ್ರಕರಣದ ಆರೋಪಿ ಪ್ರತಿಮಾ ಕೂಡಾ ತನಗಿಂತ ಚಿಕ್ಕ ವಯಸ್ಸಿನ ಯುವಕನ ಹಿಂದೆ ಬಿದ್ದು ಅನಾಹುತ ಮಾಡಿಕೊಂಡಿದ್ದರು.

ಇತ್ತೀಚೆಗೆ ಇಂತಹ ಘಟನೆಗಳು ಸಾಮಾನ್ಯವಾಗುತ್ತಿದೆ. ಇದರ ನಡುವೆ ಮಹಿಳೆಯರು ಯಾಕೆ ಕಿರಿಯ ವಯಸ್ಸಿನ ಯುವಕರ ಜೊತೆ ಆಕರ್ಷಿತರಾಗುತ್ತಾರೆ ಎಂಬ ಬಗ್ಗೆ ಪ್ರಕಟವಾಗಿದ್ದ ಹಳೆಯ ವರದಿಯೊಂದು ಗಮನ ಸೆಳೆಯುತ್ತದೆ.

ಅಧ್ಯಯನ ವರದಿ ಏನು ಹೇಳುತ್ತದೆ?
ವಿದೇಶೀ ತಜ್ಞರ ವರದಿಯೊಂದರ ಪ್ರಕಾರ ಮಹಿಳೆಯರು ತನಗಿಂತ ಚಿಕ್ಕ ವಯಸ್ಸಿನ ಪುರುಷರ ಮೇಲೆ ಆಕರ್ಷಿತರಾಗಲು ಕಾರಣಗಳಿವೆ. ಸಾಮಾನ್ಯವಾಗಿ ಒಂದು ಸಂಬಂಧದಲ್ಲಿ ಎದುರಾಗುವ ಸಾಂಪ್ರದಾಯಿಕ ಅಡೆತಡೆಗಳನ್ನು ಈ ರೀತಿಯ ಸಂಬಂಧದಲ್ಲಿ ಎದುರಿಸಬೇಕಾಗುವುದಿಲ್ಲ ಎಂಬುದು ಮಹಿಳೆಯರ ನಂಬಿಕೆಯಂತೆ.

ಇನ್ನೊಂದು ಕಾರಣವೆಂದರೆ ಅತಿಯಾದ ಲೈಂಗಿಕಾಸಕ್ತಿ. ಇದನ್ನು ತಣಿಸಲು ಕಿರಿಯ ವಯಸ್ಸಿನ ಪುರುಷರೇ ಸೂಕ್ತ ಎಂದು ಮಹಿಳೆಯರು ನಿರ್ಧರಿಸುತ್ತಾರಂತೆ. ಮೂರನೆಯದಾಗಿ ತನ್ನ ಮೇಲೆ ಪುರುಷ ಅಧಿಕಾರ ಚಲಾಯಿಸುವುದನ್ನು ಇಷ್ಟಪಡದೇ ಇರುವ ಮಹಿಳೆಯರು ಈ ರೀತಿ ಕಿರಿಯ ವಯಸ್ಸಿನವರನ್ನೇ ಆಯ್ಕೆ ಮಾಡುತ್ತಾರೆ ಎನ್ನುತ್ತದೆ ಆ ಅಧ್ಯಯನ ವರದಿ.  ಇದೇ ಕಾರಣಕ್ಕೆ ಮಹಿಳೆಯರು ಕಿರಿಯ ವಯಸ್ಸಿನವರನ್ನು ಆಯ್ಕೆ ಮಾಡುತ್ತಾರಂತೆ.